【Candy】換片真朋友 -- Pat Pat膏

True friends are like stars; you can only recognise them when it’s dark around you. （真正的朋友就像星星—你在黑夜中才會發現它在你的身邊。）

說的，是平日換片毫不起眼的Pat Pat膏。

換片可算是父母與初生嬰兒最多的活動之一。所謂換片有四寶——清水、棉花、尿片、Pat Pat膏。坦白說，皮膚好地地時，你不會覺得Pat Pat膏有何功效；當皮膚不好時，你才會發現它的存在價值。

不知道是年紀大了還是甚麼原因，今次陀細佬仔的抵抗力和荷爾蒙都沒有陀妹妹子時般好。懷孕初期連連感冒服藥，後期更患上了妊娠糖尿。膽小的我於是戒口極清，一口清胎毒的糖水也沒有吃過。也不知是否這樣，細佬仔的皮膚確是沒有妹妹子般細緻幼滑。

話雖男仔皮膚無女仔咁緊要，但心裏對當年讓妹妹子沖足半年人奶浴沖到又白又滑，而細佬仔皮膚天生無妹妹子咁靚，我都只是讓他沖過一次，心裏的愧疚感又來了。

翻查健康院派的有關常見嬰兒皮膚問題，細佬仔幾乎遇上了一半！不要說極爲普遍的脂溢性皮膚炎（頭泥），細佬仔還有嬰兒粟粒疹(Milia)和新生兒痤瘡(Neonatal Acne)。可幸三者都無須特別治療，之後慢慢退了。而尿布疹卻困擾得最耐，皆因咁多個月以來，他除了每天洗澡那十分鐘外，一天24小時都包著尿片。早前天氣炎熱，加上全人奶又疴得多疴得密，又汗又排洩物刺激，小屁股自然泛紅起粒粒投訴。上網睇資料，如果不好好處理，有些BB的皮膚甚至紅到損咗咁。BB忟忟掙掙，又怎睡得好？每次換片都是一次角力，簡直是癢在BB pat，痛在媽媽心。

呢個時候梗係即刻打鑼問人邊隻Pat Pat膏好啦！問題一出，一呼百應。原來嬰兒出尿布疹真的好普遍，大家紛紛介紹自己用開的Pat Pat膏給我。對BB用品甚有研究的朋友見我慌亂，特意提醒我尿布疹不是一時三刻解決得到的問題，可能要塗一段短時期膏霜，而且一天換多次片，等於一天要塗多次Pat Pat膏，成份一定要睇清楚。如果不是非常嚴重，當然避免使用有藥用成份的啦！

最後揾到呢支德國製造、由助產士參與研製的Weleda金盞花嬰幼兒護臀膏。呢支膏全天然成份，仲有國際組織 NATRUE 天然有機護膚品認證，不含合成防腐劑、香料、色素，基因改造成份及來自石油的原材料。總算對無得沖人奶浴的細佬仔有啲交待吧！

1) 成份天然

不說不知，原來嬰兒的皮膚厚度只有成人四至五分之一，也沒有角質層保護，所以嬰兒皮膚極易受外界物質影響，也同時容易吸收護理產品。呢支Pat Pat膏主要由金盞花、洋甘菊、杏仁油萃取而成，配以親膚性高的羊脂及氧化鋅，這些成份對媽媽們來說應該都不陌生。金盞花和洋甘菊具有抗炎功效，有效舒緩和鎮靜敏感肌膚，減退紅疹；杏仁油則富含維他命，具有滋養保濕的功效。最重要是治本，這些植物成份可以慢慢增強肌膚防衛力，促進身體自癒。

講真，Pat Pat膏一日搽咁多次，加上細佬仔近排乜都放入口，成份唔天然，一個唔小心睇漏眼，掂到啲膏又擺手入口，都咪話唔驚。

2) 香味

作為一個實際的媽媽，選擇外用的嬰兒用品時，香味一定係重要一環。我好怕啲有濃濃香味的沐浴皂或沐浴液，愈香我覺得愈artificial，Pat Pat膏亦如是。呢隻膏無乜味，感覺天然啲。換片時用清水棉花清潔完屁股仔，薄薄地搽一層就得。支Pat Pat膏嘅羊脂同氧化鋅可以阻隔排洩物對BB皮膚的刺激，保護幼嫩肌膚。

3) 包裝

另外，包裝都係一個需要注意嘅地方。支裝嘅膏比起盒裝嘅膏慳位同易於攜帶外出，而開口亦比較細，支膏無咁易受污染同與空氣接觸，保質會好一點。唔係我要求高，我真係試過兩次同細佬仔換片時他才小便，射到成盒膏都係尿，最後要報銷；又試過妹妹子幫忙換片時對住盒膏打噴嚏，我望住盒新開嘅膏，掉又唔捨得，唔掉又唔係好想用。

以前湊妹妹子時真的沒有怎麽留意這類用品，原來Pat Pat膏都幾多地方有得賣，我用緊呢支喺AEONBODY、萬寧 Baby、莎莎、一田同個人護理店美康等都有，價錢大約$154一支75ml，以有機產品嚟講，都算合理。與其搞到Pat Pat紅曬損曬先去睇醫生搽類固醇，不如及早預防，每次換片塗少少Pat Pat膏保護皮膚。況且最需要塗Pat Pat膏的日子其實很短，兩歲幾開始戒片已經唔洗點用，真係寧願用好少少。

各位媽媽，下次選擇Pat Pat膏時，不妨留意以上幾點。希望大家的BB Pat Pat 都好似剝殼雞蛋白白滑滑，將每次換片嘅角力，變成最親密的接觸時間！

作者: Candy