深宵開工靠囡囡可愛照撐住 張繼聰代一眾麻甩老竇道心聲
2017-07-07
謝安琪生完細女張靖（Karina）後專心湊一對仔女，暫時無意復出，老公張繼聰成為了家庭經濟支柱，亦要努力幫囡囡搵奶粉錢，最近日以繼夜開工，落雨天去到荒山野嶺拍戲被蚊叮到個頭紅腫，都要講住笑接受，全靠小公主一張可愛照撐住，尤其深夜開工的時候。
^張繼聰深宵拍外景，笑言自己被蚊放血一樣
阿聰今日凌晨晒囡囡可愛照，留言：「望住張相，工作幾辛苦都值得！年輕嘅朋友仔，可能有時你會覺得你地（哋）嘅老豆（竇），好老套，溝通唔倒，好似個世界去到邊都唔知….唔好怪佢地（哋），因為佢地（哋）個世界只係剩番你，同你嘅將來…其他乜都已經唔再重要。麻甩嘅老豆（竇）係你嘅來臨前都曾經in過嘅其實。冇嘢嘅話，我哋成班麻甩佬繼續開工啦！」網民留言讚阿聰講出一眾麻甩老竇心聲。
然後，今午阿聰上載老婆逗女兒的短片，留言：「Happy Friday! 同大家分享下我嘅快樂❤️」。
頭條日報授權轉載
圖片來源：張繼聰 Facebook