【為仔女日日煮】總廚爸爸 陳皮秘方治好女兒頑咳
2017-07-25
身為中華廚藝學院大師級中廚師課程畢業生的黃亞保師傅,日前出席「笑聲笑聲 滿載溫馨」展覽時,向我們分享他的入廚與育兒心得。黃師傅於展覽中負責將半世紀前的經典粵菜重現於觀眾眼前。
好爸爸為仔女 由朝煮到晚
別以為近廚就一定得食,許多身任廚師的爸爸放工後都好抗拒煮飯 — 畢竟這樣和將工作伸延到家中無分別,況且日日無時停做菜,有歇息的機會當然要好好把握。不過身兼雲來軒行政總廚及老闆的黃亞保師傅卻例外,為了家中三個寶貝和臨盤在即的太太,天天煮也在所不計。 「通常一朝早就會送佢哋返學,然後去街市買餸,再煮早餐。煮得嚟就差唔多要準備整午餐,一齊食完我先返工。」
黃師傅非常重視一家人食飯的時光,他一放假就堅持要煮餐好的。所謂的好並不是指要有鮑參翅肚,而是煮一些大家也喜歡吃的菜式。孩子們特別喜歡裝飾多的菜,他就會花多點時間雕砌裝飾。
要吸引細路食嘢 顏色要鮮艷
黃師傅家有三個分別兩歲、四歲和六歲的仔女,別的爸爸媽媽可能要煩惱如何令孩子願意進食,但黃師傅就沒有這個問題。 爸爸廚藝高超固然是原因之一,但更重要的是他願意花心機構思孩子們愛吃的餸菜:「煮嘢食俾細蚊仔,顏色一定要夠colorful!可以吸引到他們吃,就已經成功了一半!而家天氣較熱,煮嘅菜味道要夠開胃、酸甜同鮮味。」
小朋友不是食家,相比味道他們更容易以外表決定餸菜的好壞,所以顏色要夠豐富才可吸引他們。