×

Home

 

廿四孝熱話文章打印

來自網址: http://www.ohpama.com/?p=206486

爸媽雞湯 July 20, 2017

【小恩子的港女生活】為全職媽媽打打氣

同好友社工傾開
大家都發現有幸成為全職母親的媽媽經常對生活、對自己、對社會不滿,影響育兒質素, 少少事就嬲爆。

離開每日要拼死的職場
走到似是令人羨慕的全職媽咪生涯其實一點也不易
由花花世界轉為沉悶全職母親
怎樣面對可以輕鬆過度適應期?
不如齊齊開心些啊! 

1. 在當全職媽前,最好可以搵定back up湊小朋友,呢個back up同起身刷牙同樣重要,是你日後的心靈支柱!時間不用多,一個星期2-3小時就夠了,不做家庭不做孩子的事,做你愛做的事,太窮的,坐下發呆想下東西也是好事!

2. 心中富有,收入大減,心媽發現原來好多有極高學歷嘅媽咪,月入達6位數字都當全職媽,實在佩服,收入大減會令心情不安,可以試下搵part time 或者freelance ,平衡下情緒,或者想想仔女童年無價!錢就等東山再起嘅時候搵過啦!

3. 減低壓力!沒有task list 沒有老闆,照顧小朋友、陪伴小朋友就是你最重要及唯一的任務,試試不要將職場中的工作態度搬到家中,重質不重量,不要將公司唔到數嘅緊張帶到返呢份工!返工做得唔好會減人工同裁員,呢份老母工你放心啦,唔會有人同你爭架,陪到佢已經task complete架喇!

4. 當埋怨沒有人會明白你嘅時候,找朋友!無論如何都要keep住有自己嘅朋友,朋友是樹窿,多分享、少比較!心情好多了!

5. 繼續整齊繼續減肥,沒有時間不是籍口,抽點時間運動吧!

6. 爸爸也要1000個配合呢,老婆轉工也要一點時間適應啊~~ 媽媽,你知道嘛? 其實沒有人說要娶一個工人回家,是你自己當自己成了工人吧! 

共勉之!

密切留意,即將有為在職媽媽打打氣! 

作者:小恩子的港女生活

其他文章:

【小恩子的港女生活】全職或在職? 快樂是選擇!