混血B 重逾18磅 42歲高齡媽車婉婉 扶柱唞唞
2017-07-24
^車婉婉行咗幾條街,面露疲憊。
現年42歲嘅車婉婉,13年嫁畀中澳混血老公Jonathon Quinlan,婚後積極造人,終於喺今年3月尾生咗混血囝囝Justus,乳名叫BBQ。高齡媽產後餵人奶,育成3個月大已重18磅嘅巨B。日前下午,車婉婉帶巨B約友high tea,其後見高齡媽孭仔去等的士,可能乖仔真係好重磅啦!黑超媽個樣有啲攰,仲乘機扶柱唞一唞。
去年,車婉婉超興奮報喜,話自己成功高齡懷孕,仲同網民緊貼自己嘅佗B歲月,好勤力咁po相,分享「高齡日誌」。今年3月尾,車婉婉嘅BBQ重近9磅出世嘞,新手媽又堅持餵全人奶,極速谷肥B仔,3個月大已重18磅,所以俾父母改咗個新朵叫「大嚿飯」。
^日前,車婉婉夫婦幫巨B搞百日宴,鄭秀文和杜琪峯夫婦到賀。
今個月8日,車婉婉兩公婆幫巨B舉行百日宴,圈中多位好友鄭伊健、蘇永康、導演杜琪峯夫婦等都有出席,而蛋糕亦是Q版「一嚿飯」相當貼題。婉婉表示囝囝重18磅,苦笑謂:「抱到手都跛!」自認高齡產婦的她揚言不會再生。
^車婉婉早前帶巨B去蘇永康B仔Jazz的百日宴,兩新手媽好啱傾。
日前下午,車婉婉帶BBQ去銅鑼灣禮頓中心同朋友兩母女飲茶。開心歎茶後,薄妝車婉婉戴番黑超孭巨B去等的士。沿途女性友人都好細心照顧婉婉兩母子,過馬路時會扶吓媽咪,更會用人肉擋車,真唔話得。最後一行四人在利園等的士,黑超媽一手輕撫熟睡嘅B仔,另一手扶柱唞一唞,母愛真係好偉大O架!
^日前,車婉婉在「高齡日誌」開心留言:「BBQ自己反轉身兩次,Q MaMa真係無出貓幫佢㗎!」
採訪:梁志明
頭條日報授權轉載