清甜健體紅菜頭甘筍粟米豬骨湯
2017-07-31
早個零星期小JM先病完,誰知轉個頭小JM又撞傷,
攪到呢排無咩胃口食野,每餐都只係食一半就停。
媽媽真係擔心到一個點。。。
為左吸引小JM既食慾,同幫小JM增強一下體質,
今日媽媽決定煲個靚湯俾大家飲。
不過而家天時咁熱,似乎煲啲清甜既湯水會比較吸引。
咁岩行經街市見到平時菜檔姨姨度有紅菜頭,
所以媽媽就二話不說,一於煲「紅菜頭甘筍粟米豬骨湯」啦!
你咪睇紅菜頭成舊圓碌碌、紅卜卜,以為似蘿蔔咁簡單,
其實紅菜頭係好有益架,營養纖維亦好高,
醫學亦都證明左對降低高血壓有幫助添架!
不如一齊了解下紅菜頭既好處啦!
紅菜頭既益處:
1.)有助增多腦部血液循環
2.)增強體力
3.)有助降低及穩定血壓
4.)有助通便
5.)具有抗氧化功效
6.)有抗癌作用
除左以上幾點外,其實紅菜頭仲係一種低脂、高纖維既食物,
紅菜頭含有豐富既胡蘿蔔素,但無膽固醇,而且低熱量同少澱粉質添!
真係岩晒一家大細,亦都岩愛靚一族同各位靚媽、靚太們。