【Saron】母乳媽媽:其實你哋唔好理我哋就夠架啦!

2017-08-08


前幾日有家人講起:「上星期呀,有個同事開會泵奶,真係唔係咁好囉!」,然後,其他家人應聲附和。坦白講,有時都不太想出聲,因為知自己有時說起某些敏感話題都會幾激動就免得弄得氣氛尷尬,但直到我聽到「你自己覺得無嘢,唔等於人哋覺得無嘢架嘛!咁d同事都唔知望你好定唔望你好…」
那刻,我就真的忍不住了…

現在香港社會好喜歡「反插」,例如以前不讓座會被人鬧,現在調轉是大肚婆如果出聲話人不讓座就會被人話「你老奉架?大肚大晒呀?」所以,有時想討論一些話題都費事了,因為怎樣都會被人鬧。

其實我真的從來唔覺到母乳媽媽要有甚麼特權,我們要的不是別人讚我們偉大或是對我們有額外的遷就,反而我作為母乳媽媽,我只是想要「你唔使理我得架啦,ignore 我就可以架啦」這樣就已經好夠。

我家人提出「你泵都算啦,係咪應該問聲大家介唔介意,我地d同事有d好保守,真係唔知點囉!」我又會想,「好保守」?其實餵母乳、泵母乳真係一件零意淫無任何色情成分的事,媽媽幫BB預備食物,整件事好單純好正面。調轉我會諗「咁你平日家庭聚會都會着件貼身小背心或者短褲仔,咁係咪又要問下d家庭男成員先呢?」同樣問題係「佢哋比較保守,都唔知望你好定唔望你好?」

坦白講,餵母乳泵母乳從來無媽媽是特登露個胸出嚟俾人望,反而只是想着寶寶啜唔啜到,飲咗幾多又者有時擔心自己點解胸硬會唔會塞奶驚有乳腺炎。反而,衰少少講,平日少女們着件貼身小背心小熱褲都是為了靚騷身材還是甚麼再偉大的原因呢?咁着衫又會唔會要問下街上d男人會唔會又弄得別人好尷尬唔知隻眼望你好定唔望你好呢?

不是要攻擊其他人,因為每個人都有權穿自己喜愛的衣服,坦白講着得性感是我喜歡的事又無影響人,你要意淫望我,我都無法子。所以同樣套落母乳媽媽身上,我餵奶我泵奶有影響到你甚麼呢?其實外人要做的就只是ignore 我哋唔好理我哋就ok架啦,唔使好刻意話望定唔望,點解咁卑微的要求都要常常受到白眼或是別人的閒言閒語….

我作為全埋身的媽媽已經好幸運免卻了好多職場上因為泵奶所受到的冤屈,但好多時都會因為在街上餵奶看到好多醜惡的臉孔,這是最教我難受的。

所以,如果你從來無餵過人奶的話,我只是希望你們給母乳媽媽一個小小的空間,「你唔好理我哋,唔使特登望我哋,當無咩嘢咁已經好好架啦⋯⋯」

其實,餵母乳真的不容易,不用尊敬我們不用讚賞我們,其實「唔好理我哋啦!」已經是最好的支持和尊重。

作者:Saron

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

楊思琦11歲大女遺傳爸爸顏值運動細胞 參加武術比賽勤練習身手了得
2024-03-29
媽媽街頭穿羊水等不到救護車哀號求助 熱心男神救援幫接生脫衣包BB
2024-03-29
陳展鵬愛女小豬比5歲生日! 廿四孝爸爸大搞Party慶祝 全因囡囡9個字願望
2024-03-29
9歲男孩每年亡母生忌帶蛋糕拜祭 「想和媽媽慶祝生日」孝心感動網民
2024-03-29
黃美棋結婚丨昔日童星被搶先披露婚期 親回公司派喜帖心情靚爆
2024-03-29
國產兒童「近視神藥」阿托品開售 醫生提醒不能盲目擅使用
2024-03-29
查看更多   ▸