×

Home

廿四孝熱話文章打印

來自網址: http://www.ohpama.com/?p=212373

有心食譜 August 9, 2017

【老少都啱食】滋潤養生好物。紅棗杞子圓肉鮮奶燉桃膠

呢排天氣又熱又焗,真係會令人胃口大減。

除咗煲多啲清潤嘅湯水之後,

其實都可以煲下糖水,

都係一個幾唔錯嘅選擇呀。

 

小JM媽就整咗一款既滋潤又養生嘅糖水,仲啱晒一家大細食添架。

據說功效可以媲美貴價燕窩、花膠,

但價錢就極親民,所以又有「平民燕窩」之稱。

你又知唔知係咩呢?就係 「桃膠」啦! 

今次小JM媽就用桃膠整咗  - 紅棗杞子圓肉鮮奶燉桃膠!

 

咩係桃膠?

桃膠顧名思義即是桃樹嘅產物

桃膠係由桃樹天然分泌出來嘅一種淺黃色透明嘅樹脂液

而當桃樹所流出嘅樹脂液當遇到空氣就會凝結成為硬身嘅晶體,就成為咗我地食用嘅桃膠啦。 

桃膠,可以話係近年興起嘅一種天然食材,因為價錢平功效佳,所以有「平民燕窩」之稱添。 

 

桃膠嘅好處

原來桃膠除咗坊間所講滋潤養生外,

中醫師亦指出桃膠亦有助補充水分、潤燥,

而且對潤腸、通便及尿道尿甚有幫助。

桃膠適合大部分體質嘅人仕食用,一星期食一至兩次已經好夠架啦。