【傑。斯與晴】育兒。英文兒歌。LINE系列兒歌
2017-08-10
由小JM細個個陣開始，
媽媽我就間中都會為小JM唱兒歌，
無他嘅，都係想親子一下嘛。
慢慢地，小JM愈來愈大，但媽媽依然會喺小JM沖涼嗰陣同佢唱歌，
每次唱嗰陣小JM都會報以開心笑容，
呢一種感覺就只有我同小JM先會明白。
（哈哈，無爸爸份喔。）
喺唔同階段聽音樂其實都可以俾到小B們唔同嘅學習機會，
雖然我唔可以全天候成日唱歌俾小JM聽，
但媽媽我都有買一啲發聲書、發聲玩具俾小JM玩，
等小JM可以隨時都有得聽下歌仔。
其實聽兒歌可以話係最普遍、最初階嘅啓蒙學習之一，
而家大多數媽媽們都會俾小B們聽下英文歌，
順便俾機會小B們從歌曲中學習新嘅語言同認知新事物。
閒時放假喺屋企嗰陣，我哋會用電視開YouTube頻道，
播放英文兒歌俾小JM聽，順便教同歌詞入面相關嘅嘢添架，
例如早期嘅，可以教小B們拍手打拍子，再慢慢大個啲就可以跟節奏慢慢唱啦！
有啲兒歌仲可以教導小B們認識唔同嘅視物，增加對視物嘅認知感。
Nursery Rhyme嘅意思係指童謠，
比較適合小B們慢慢學習，
因為當中嘅字會少啲，而且都係重重複複咁，
比較容易上口，加上有啲歌詞亦會押韻，
所以好啱小B們邊聽邊學。
最近韓日爆紅嘅LINE動畫出咗一系列新嘅兒歌Video，
順理成章亦成為咗小JM嘅新寵兒，
因為每次小JM見到熊大同Sally就會好不期然咁叫：Bear，Bear！雞雞！
可能因為小JM對呢幾種動物都有認識，
所以更加鍾意LINE兒歌。
雖然啱啱新出，但已經有好幾首老舊嘅大熱英文兒哥架！