日期 | 全年適用 |
同Justin完成5日4夜新加坡+Legoland親子之旅。新加坡係一個好kids friendly的地方,去到邊都有得俾小朋友放電!Justin玩得好盡興!
田媽會重點推介幾個好玩親子景點,如果大家有機會帶小朋友去新加坡同新山,不妨考慮下!
今次先介紹下Legoland。入面有乜野玩我就唔多講,好多旅遊書同網上爬文都有講。田媽想同大家分享下我們的經驗,等大家plan行程時有個參考 🙂
去得新加坡,就唔爭在去埋新山Legoland!可以包車由新加坡直接到達Legoland Resort,唔駛落車。只係留意返過關要番D時間,1-2個鐘走唔甩。
田媽就建議大家住返係Legoland resort,雖然貴D,但係個resort本身已經係小朋友天堂!一入大門口已經有一個大型lego城堡迎接你大大個lego海任你玩!