【天使媽媽】Tobia，十歲揸機影相初體驗！

2017-08-16

作為全職媽媽，對暑假實在是又愛又恨。日日對住仔女廿四小時，家無寧日，耳朵想清靜一下都有難度。不過呢，點都係愛多過怕。自從升上小學，兩兄妹的暑假放足兩個月。最愛旅遊的我，當然把握機會，周圍去玩。

每次去玩，我都會拎住部相機不停影相，記錄行程，再寫一篇篇詳盡的遊記。Tobia遺傳了我的習慣，好鍾意影相。佢曾經要求用我部相機，話用手機點影都唔及相機靚。咁細過就有要求，媽媽好欣賞，但部相機對佢嚟講又好難拎喎。之前為免令Tobia失望，都有俾佢試下，我就從旁協助，但始終未能掌握。試左幾次，Tobia話用返手機影相好了。美其名影相，順便打機，仲正，哈哈哈。

但自從有咗機身細細的CanonEOS M10，哥哥就對呢部新玩具愛不釋手，去到邊影到邊，而且部相機好似手機咁易操作，仲帶埋佢鍾意嘅Pikachu公仔（買相機送的）周圍去，好適合愛攝影的Tobia。

趁呢幾日好天，帶咗哥哥去山頂玩。第一次坐山頂纜車的哥哥好興奮，不停影相同selfie 。新玩具可以反起個Mon，睇到自己個樣係重點。擺好pose，簡單一按 touch mon，自拍話咁易。

之前想一家人selfie 好有難度，要伸到隻手好長先影得晒，好多時怕麻煩寧願唔影。而家咁輕鬆就可以影到靚靚 selfie ，Touch mon 功能連哥哥都識用，以後全部人入鏡都輕鬆冇難度，美好回憶將會更多。

Tobia大愛新玩具，攝影師上身，不停要同我影相。幫我揀位置，要我點企，隻手點擺。時光倒流，我以為自己返到中學時，去九龍公園影沙龍相。估唔到哥哥幾有攝影天份，取景同角度都拿捏得幾好。最醒目係識得坐低，以低角度反起個mon，再用touch mon 點我個樣，對焦之餘，仲影得我瘦咗少少，對腳長咗少少，嘻嘻！

之前一直幫仔女影相，十年過後，變咗阿仔幫我影，好開心。自從做咗媽媽，有時想揾一張單人相，淨係得證件相。因為注意力都集中在小朋友身上，見到靚景淨係記得叫仔女影。原來哥哥影相咁叻，以後可以互影了。