【悉心照顧】大女有進步 鍾麗淇與細女畫畫好Enjoy
2017-08-19
鍾麗淇(Margaret)育有兩女,6歲半大女Isabella小時證實患上罕有的「四號染色體缺損綜合症」,在Margaret悉心照顧下,已不斷有進步;而細女Michela已經1歲半,非常活潑可愛。早前Margaret帶住Michela到中環ifc參加親子畫畫活動,最初囡囡都好專心畫,不過後尾要媽媽幫手埋尾。畫完後,Margaret與囡囡影埋相,然後去買埋乳酪食便返家,過了個愉快的下午。
Margaret早前成為「香港傷健策騎協會」大使,原來該協會為傷殘人士及特殊小朋友提供策騎訓練,大女Isabella慶幸獲抽中。她指騎馬能幫助小朋友腦部發育和社交能力,她說:「囡囡好鍾意騎馬,估唔到坐到咁直,好聽話,摸隻馬打招呼。個女唔識講嘢,人哋以為未必溝通到,但同隻馬都有交流。」而她獲邀擔任大使真係求之不得,唔收錢都會全心全意幫忙。