【鼻敏感救星】天然蜂巢蜜 @ 寶生園

香港地好多人都有鼻敏感，只係嚴重與否嘅分別。晴朗爸爸同朗朗嘅鼻敏感好搞笑㗎！一遇到猛烈太陽就定必會打一個乞嚏，都係屬於輕微嘅一種，原來咁都有得遺傳㗎喎！而我就犀利喇！由小到大可能居住環境比較大塵嘅關係，每朝起來總會乞嚏打不停。不幸嘅係遺傳埋俾朗朗，半年前佢嘅鼻敏感突然嚴重咗，同我嗰陣嘅程度不相伯仲。每朝打乞嚏儲落嗰堆紙巾，簡直嚇死人呀！既然我嘅鼻敏感係食巢蜜治癒，就膽粗粗同朗朗開始咗秘密治鼻敏感療程喇！
年初發現朗朗鼻敏感情況嚴重咗好多，六月嘅時候一次過訂咗6盒蜂巢蜜同另外一啲蜂蜜製品。(訂購滿$600送貨) 而家已經食到去第3盒，開始見到功效喇！*o*

天然蜂巢蜜具消炎殺菌功效，蜜糖則止咳化痰潤喉，所以常服用可紓緩喉痛聲沙、鼻炎及鼻敏感不適~

食嘅時候用刀切出一小塊，方糖咁大既size就ok㗎喇！

一塊蜂巢蜜可以切出16小塊，我哋每朝早會預備1小塊俾朗朗食完早餐後食用~

直接放入口慢慢咀嚼，毋須開水沖服，等所有蜜汁完全透入口腔後再將蠟渣吐出嚟就得㗎喇！至於沉咗響碗底嘅蜜糖汁，朗朗會「lam」到一滴不剩，十足十winnie the pool咁呀！XD

我哋初時都係抱住試驗心態，唔想朗朗食咁多西藥，就只有試下天然方法。同埋即使試過響我身上係work，因每個人體質唔同，未必一定朗朗試咗都見效。食到第三盒意想不到嘅效果終於出現喇！見佢開始由起身至到食完早餐都冇打過乞嚏，就知道掂咗！真係好開心！一定要將呢個成功試驗推介俾一直為鼻敏感煩惱嘅朋友呀！提提大家，唔會一試就見效，要俾啲時間身體增強抵抗力。當身體強健咗，抵擋致敏源嘅能力就會大大提升喇！不過鼻敏感係好難斷鼻㗎！就算我好番咗兩年有多，間中一唔夠瞓，身體弱咗就又會乞嚏打不停。所以即使食蜂巢蜜後情況好轉，都要注意作息定時，保持良好嘅生活習慣先得呀！

BLOG重溫：
【輕鬆寫意】暢遊寶生蜂蜜園 – http://blog.xuite.net/chinglongtin/blog/354591947
【養生有效】寶生園蜜糖介紹 – http://blog.xuite.net/chinglongtin/blog/354593936

 寶生蜂蜜園 
地址：香港新界粉嶺蝴蝶山路8號
電話：26695840
facebook: https://www.facebook.com/pages/香港寶生園養蜂場PO-SANG-YUEN-BEE-FARM/297154793642

作者：晴朗天