【田媽玩樂誌】交通方便的親子餐廳

2017-08-24

有時候想約住喺新界區的朋友仔玩，而又冇揸車的話都幾頭痕，因為好多親子餐廳都喺九龍東或西，遍遍東鐵沿線就冇乜，帶住個BB都好麻煩。

今次田媽就同Justin去咗位於新世紀廣場MOKO的親子餐廳，旺角東站一出就到，好方便。其實餐廳係連鎖集團經營，只係旺角呢度佢闢出一個位做小小的遊戲室，擺放咗兩三個廚房、搖搖馬、書籍同其他玩具。

餐廳都好baby- friendly‍，有提供high chair同兒童餐具。商場內亦設有育嬰室，所以帶住小BB都冇問題。食品方面，係有少少日式fusion的意粉，田媽食咗個炒意粉，味道都 ok。重點係餐廳只叫食品價錢，唔需要額外收費都可以玩。

由於play area唔大，大班人搞gathering的話呢度未必啱，但係三幾個媽媽同BB輕輕鬆鬆食餐飯，都係唔錯的選擇

不過田媽覺得餐廳都有地方可以改善一下：

❌Play area比較細，而且好侷促，空氣唔夠流通。如果放部空氣清新機會安心D。

❌High chair供應不足，星期六12點high chair已經用晒，見到有爸媽們好不滿。餐廳位置的商場又有好多BB嘢買，食完行陣街街先返屋企都得！

Spaghetti 360 地址：旺角新世紀廣場4樓402-403號鋪營業時間：11:00 – 23:30 電話：27863538