【晴朗天】GO SPORTS「活力暢游」系列 (第四課)
2017-08-25
夏天真好，成日都可以見到太陽伯伯，人都有朝氣啲啦！
天氣咁好，又去同陽光玩遊戲囉！
玩完一大輪經已warm-up好，可以為上課做好準備呀！
其實係晴朗想早啲落泳池玩至真！
嚟到第四堂，適應咗上課模式，又同教練熟落咗！
天時地理人和俱備，狀態應該好fit喇喎！
睇下又有冇進步先，去片~
教練一開始就同晴朗去到最深水位置，雖然水係好深，但晴朗知道捉住池邊就可以好安心，再唔怕會沉落水底喇！大膽咗好多~
先嚟練習一下水中呼吸，落水bulubulu然後上水吸氣，呼吸動作已經做得好純熟~
然後重溫用浮板踢水，晴朗明明一齊起步，但晴晴卻領先一步去到教練面前呀！Yeah!!!
不過兩個啲踢水姿勢都唔係好靚，執執佢先~
信心大咗，自然學咩都得心應手啲啦！晴朗加油！
教練係想佢哋學好啲游泳姿勢，由雙腳做起~
坐響度就踢得唔錯，但唔知點解一反轉身就做得麻麻哋喇！
邊個想做先？晴晴諗都唔諗馬上舉手，果然好有信心呀！
用浮板踢水過去教練度，姿勢略有改善~
反而朗朗比較緊張，踢兩下雙腳又沉咗落去，要再練習多啲呀！
教練好努力幫助朗朗，另一邊霜，晴晴又變咗一隻樹熊喇！XD
練習呼吸時間又到，今次朗朗提議鬥耐，又好喎！結果誰勝誰負？好明顯係耐唔過教練啦！繼續練多啲，我知你總有一日得㗎！XD
接住落嚟！就要試下邊做游泳姿勢邊呼吸，好似越嚟越似樣喇喎！
咁又再試下揸浮板踢水向前游啦！今次晴晴能夠完成一個橫池呀！Woo~ ho~ 而朗朗嘅泳姿仍有待改進，繼續努力啦！
還原基本步，再練習番雙腳向後，成個人成一直線浮起先~
晴晴趁哥哥練習期間，自己不停練習水中呼吸，果然係勤力嘅好學生呀！^^
朗朗雙腳太懶惰，要俾多啲力先得喎！
雙腳練得攰，不如練習邊行邊浸落水呼吸啦！
然後再過嚟一齊練習，大家都好認真呀！
教練同晴朗講解一陣需要做嘅事，雙手揸住浮板，在水中浮起成一直線，然後教練會推佢哋去到池邊~
期間要保持身體平衡，到達池邊嘅時候放開浮板並且手握實池邊~
我都做得到！Yeah!!!
朗朗就仲係爭啲，對腳又變咗蛙腳，睇嚟落堂後要加緊練習先得喇！@@”’
最後，又到咗晴晴最開心嘅環節，就係池邊跳水。越跳越大膽，睇嚟好快就唔駛再要教練傍住，自己跳都得喇！哈哈！
回想起第一堂嘅時候晴朗咩嘢都唔識，第二堂晴晴爆喊住上堂
，一直到而家揸住浮板游到一個橫池，而且去到最深水都唔再怕。
每次見到佢哋嘅進步，心裏面都覺得好開心呀！我都知好難響幾堂間就學識游水，但係只要繼續抱住呢份勇敢同不放棄嘅學習精神，想學識游水都係指日可待嘅事嚟！GO SPORTS「活力暢游」嘅游泳教練宅急便服務真係好貼合我哋嘅需要，時間、地點由我哋話事之餘，教練仲會因應晴朗嘅能力同進度而調較課程。
最緊要係唔使舟車勞頓已經可以上課，而且學習進度都好理想呀！
慳番啲時間同精神又可以做多啲親子活動囉！
十分滿意，值得推介！
重溫GO SPORTS「活力暢游」系列：
第一課 – http://blog.xuite.net/chinglongtin/blog/516876609
第二課 – http://blog.xuite.net/chinglongtin/blog/522204552
第三課 – http://blog.xuite.net/chinglongtin/blog/526512910
Go Sports Swimming Club
查詢及報名熱線：2690 0445, 6686 6337
Facebook: https://www.facebook.com/Gosportssc
作者：晴朗天
