【輪狀病毒勿輕視】爸爸憶愛女染病：咁大個女，病得最勁呢一次
2017-09-20
小朋友屙嘔肚痛，以為是小事一樁？
8年多前愛女感染輪狀病毒，「一晚屙10次」入醫院的整個過程，Kevin都清楚記得，看來這份舊記憶真的有重量；無他，女兒真的太辛苦了。
「由朝屙到晚，到夜晚其實已經只係屙水」
Kevin從事保險業，8年前因為屙嘔肚痛而入院的女兒Chloe，今年10歲。
他憶述，8年多前的一個早上，Chloe發燒，100度左右，說「肚仔唔舒服」，隨即展開了一天「由朝屙到晚」的生活。中午時分，Kevin帶Chloe求診，醫生開了些藥，但吃藥後情況並無好轉。
「見佢瞓覺（女兒）扭來扭去，一個夜晚都屙咗10次以上，屙水，床仔都污糟埋，兩公婆都無瞓過，不斷換片。」
^這是1歲時的Chloe。Kevin說平時都很少抱女兒，但女兒發病至住院期間都扭抱，知道她真的很辛苦。
第二天，Kevin再帶Chloe到醫院求診，今次被立即送上病房留醫；看著寶貝女受苦，爸爸一點都不好受。
「佢從來都唔扭抱，嗰次扭得好犀利，可能吊住鹽水插住針唔舒服，不斷指住個門口話要走，有親友來探佢都話要走，又唔肯飲唔肯食，本身都唔係肥，屙幾日仲唔瘦？」
屙至脫水可致命 爸：寧願自己病
由於沒有抗病毒藥物治療輪狀病毒感染，醫護人員唯有為Chloe吊鹽水，以防她在多次屙嘔後，出現脫水情況，有機會導致抽筋等狀況，甚至危及生命。最終，Chloe留醫三日兩夜才康復出院，約一個星期後逐漸恢復正常食慾。
^Kevin估計，女兒當年是因為亂放東西入口，而染上輪狀病毒。
在女兒留院期間，Kevin和太太輪流通宵陪伴女兒，兩公婆都身心俱疲：「我同太太基本上都無乜點瞓，所以之後輪住病，差唔多成個禮拜無返工…講真，做人父母，寧願我病，都唔好小朋友病。」
輪狀病毒，主要透過口糞途徑傳播，飲用或進食受污染的食水或食物，亦有機會感染，要預防的話，除了要注意個人衛生外，可以接種口服疫苗。
Kevin說當年也知道病毒的預防方法，就是接種口服疫苗，回想女兒的病，坦言「早知食啦！」：「要出生後頭幾個月食最好，但當時真係無打，因為醫生話食完都未必確保無事…咁大個女，病得最勁都係呢一次。」
^沈澤安醫生
兒科專科醫生沈澤安表示，現時市面上的輪狀疫苗均是口服，孩子不用受打針之苦，而且接種疫苗確實可有效減低孩子病發時的徵狀，建議家長在孩子6個月大前接種。
撰文、攝影：湯米
部分圖片由被訪者提供
全力支持：GSK