【直資私小勿亂報】教育顧問Ian Tsang：知道面試題目都無用
2017-09-12
近年，透過小一派位制度獲派心儀小學的成功率大不如前，造就直資私立小學報讀人數，一年比一年多。家長為求「有得揀」，漁翁撒網式報名，又搜羅坊間面試題目諗定答案，升學教育顧問Ian Tsang坦言，這樣準備絕不正確：「唔使報咁多間，知道面試題目亦無用，學校唔係睇你識唔識答。」
早前，傳媒報道有小朋友要去27間小學面試，Ian坦言，他每年也有15%客戶，在諮詢他的升學意見前，報讀了超過20間直資私小，雖然時間上可以安排到，但根本無需要。
報讀適合孩子的學校 6至9間已足夠
「有些家長報名，人報我報，寧濫莫缺，幾歹都報咗先，到最後面試撞期去唔晒，又揀錯學校去in」，「家長心理上係追逐名校，但間間名校，係咪真係啱你小朋友？」
^Ian提醒家長，報直資私小不要只報名校，而是報適合孩子的學校。
他舉例說，兩間分別位於清水灣道及美孚的熱門學校，教育方式完全不同，但絕大部分家長都會一併報讀：「一間係大班傳統教學，一間就係小組活動教學，家長應該要了解小朋友適合邊一種先。」
「例如幼稚園多數係20至30人Setting，興趣班就6至8人Setting，小朋友邊種學習模式會feel comfortable多啲？可以問下老師。」
Ian說選校報讀要平衡風險，建議6至9間便足夠：「有適合小朋友讀的，有適合小朋友考的，性格配合學校文化的，能力配合到學校課程的，有難考，有易考…」