【荔枝媽媽】幼稚園面試大忌+家長常見面試問題 + 面試分享
2017-09-20
唔經唔覺已經進入了9月，又係幼稚園招生報名程序開始嘅時候了。幫小朋友報考幼稚園可以話係爸媽的「大project」，要預備同做的功夫好似沒完沒了咁，由揀學校，排隊拎form及交form(依家已經好多了，有些幼稚園可以online報)、幫小朋友面試做預備等，好似每一個step都要好謹慎小心。作為家長都會四出打聽自己心儀幼稚園的收生情況，如果有面試機會，有d家長亦可能會嚴陣以待，催谷孩子學習面試技巧，甚至會報讀形形色色面試班。
孖媽自問無論上年N班還是今年K都沒有做甚麼預備工夫，上年他們面對人生第一場，出發前我都只是跟他們說去好好玩一場，開開心心的做番你自己就好了。我們一共報了2家N，結果係一家是備取生，另一家最後是收了，但由於係分派到下午班，所以我們只好放棄了。不過無所謂啦，就留番出年K先開始正式讀書啦，再玩多一下無妨呀。所以我哋面試的經驗其實唔係好豐富，但我都將之前睇過的一些資料，整合成一個簡易版同大家分享，方便大家。
我深信2018年K嘅學額應該係足夠，問題只係大家可唔可以入到心儀的幼稚園，仲有好多家長更會放眼睇，就係為咗升小學做好準備。