【湊仔爸與返工媽】立身處世 要知分寸
2017-10-03
幼兒的世界都傾向以自我為中心,這是他們成長的階段,但不代表可以容讓他們不知分寸。
阿豬向來都愛接觸大自然,但不太喜歡牛蛙的叫聲。之前有一晚,阿豬媽和阿豬晚上回家,經過草叢時,聽到牛蛙叫。
蛙:「哇~哇~」
豬:「唔要聽到呢D 聲呀!」
媽:「係牛蛙嘅叫聲。」(他不感興趣,所以我也沒再講解太多)
豬:「唔要聽到牛蛙嘅叫聲呀!」
媽:「哦,你唔想聽到,但你經過牛蛙住嘅地方,係會聽到佢叫㗎,人哋經過我哋屋企門口都聽到你講嘢啦。」
豬:「唔想呀,唔想佢叫呀。」
媽:「牛蛙喺自己屋企叫,冇問題㗎喎。如果你唔想聽,咁你可以點?」
豬:「我哋快D 走啦!」
對呀,你有權選擇不喜歡,但沒權要求人家不叫,何況是你經過人家住的地方?這個世界,原本是各樣生物的家,人類卻只當成自己的家。隨心所欲然後隨心所棄,不懂跟大自然共存,現已招來不可逆轉的嚴重後果。
環保,不是學校的學習主題,不是費盡心思找家中的廁紙筒造燈籠交功課,不是說完就算的繪本,不是狂買後拿去捐贈回收就心安理得。
環保是一個尊重的生活態度:每使用一樣資源,每丟棄一件東西,都深思熟慮,盡力珍惜。
願我們的孩子從小懂得尊重世界,尊重別人,立身處世都知分寸。
作者:阿豬媽@湊仔爸與返工媽
其他文章: