×

Home

 

廿四孝熱話文章打印

來自網址: http://www.ohpama.com/?p=229502

爸媽雞湯 October 8, 2017

【天使媽媽】唔識英文?又如何!

唔識英文?又如何!

。。。

 

開學一個月

不停有假放

不停玩玩玩

 

中秋節過後

係時候收拾心情

放假落公園放下電就算了

 

。。。

 

這一日,帶咗妹妹去公園

天氣好,秋高氣爽,好舒服

小朋友唔多,和平共處

 

忽然,妹妹行過來同我講

囡。媽媽,嗰兩個男仔話我呀 (・Д・)ノ
媽。話你咩呀?
囡。話我唔識英文 (外籍男仔和疑似華人)

媽。哦!唔怕啦,你又唔係唔識

囡。我估佢都唔識中文啦
媽。咁你叻D喎,又識廣東話又識普通話
囡。(心情好番D) (*¯︶¯*)

媽。你同佢講,你識英文,仲識中文囉
囡。唔講,費事以為我認叻
媽。 (≧▽≦)

。。。

這就是,我家女兒
口不饒人心地善

認為講多無謂就唔睬你
呢樣似我

人地好忙嫁嘛

。。。

 

其實都奇怪

妹妹都冇同個兩個男仔一齊玩,根本冇交流

做咩都話人唔識英文呢?

 

。。。

 

以我認知,有兩個小男生,一個金髮

另一個係個華人男仔

 

sorry 我唔知係咩人

香港人樣但講英文流利嗰種

你哋明嫁啦

 

兩個唔知玩咩,又唔知講咩

跟住妹妹就過來

 

兩個男仔仲以不屑眼光

同兩個工人姐姐講

妹妹唔識英文

 

好彩,妹妹氣量大,沒擺在心

係呀媽小氣,不吐不快 ╮( ̄▽ ̄””)╭

 

。。。

 

就算真係唔識英文?又如何!

呢度香港喎 (=゚ω゚)ノ

你地唔識中文應該檢討下

我哋都未笑你,仲話人

 

。。。

 

香港其實好奇怪

部分唔識中文,齋講英文的人

感覺自己高人一等,自以為是

 

外藉人士唔識中文可理解

但明明係香港人,居然以唔識中文而自豪?

 

最爆嘅係,有d,明明爸爸媽媽都係香港人

會話:我個仔唔識聽中文嫁

講嘅時候,嘴角帶笑,好威咁嫁 (⁎⁍̴̛ᴗ⁍̴̛⁎)

 

每次我都好想反枱

┻━┻︵╰(‵□′)╯︵┻━┻

 

唔係呀化?你哋有冇好好盡過做家長的責任呀?

淨係工人姐姐湊嫁?你唔同個仔講嘢嫁咩?

 

。。。

 

先唔好講中國有幾强大

無可否認,識多種語言,尤其中文

對將來揾工一定有幫助

 

明明有呢個中文語境,唔好好利用

簡直係剝削仔女的語言優勢

仲覺得唔識中文好威好型

真係,無言 囧rz

 

。。。

 

唔識講,唔識寫,我明,我真係明

讀國際學校嘛

中文係好難寫嘅

 

但唔識聽?我接受唔到囉

如果,爸爸媽媽,其中一方,母語係中文

做咩要就對仔女講英文先?

可能有原因,我唔知啦 (¯﹃¯)

 

。。。

學咩語言係家長的喜好
但禮貌就應該人人都要學

 

住在香港,就要接受呢度係以中文為主的地方

笑人哋唔識英文,在我眼中,不能接受

點解個小朋友會咁笑人呢?

家長有冇傳遞咗d錯誤訊息呢?

 

。。。

 

順便講下,工人姐姐

經常都聽到d姐姐講:我唔識聽中文

 

工人姐姐主要做家務,唔係必須要學中文

加上有家長認為

同小朋友以英文溝通,係姐姐工作之一

識講中文直頭扣分呀

 

。。。

 

我認為自己好幸運,我請的兩位姐姐

一個普通話,一個廣東話,都好流利

不是我教,係來我家之前,已經學咗

 

我覺得她倆好學,勤力,認真

努力融入香港生活

亦因爲溝通到,大家配合得更好

相處更融洽,尤其同老人家

我真心欣賞

 

。。。

 

生活在同一地方,完全不同的生活態度

你們有權選擇

 

可以繼續自以為是,高人一等,唔識中文

 

但作為家長,有冇諗過

憑咩去決定仔女唔學中文?

單純地覺得「型」?

希望唔係啦

 

。。。

 

中文,好難學

有得學,點解唔學?

 

不知幾多混血兒,選擇傳統學校

呢d就醒目啦,英文一定識,梗係學好中文啦

 

。。。

 

最後

 

講多個笑話俾大家聽

真人真事

 

小學面試,有分普通話,英文同廣東話

申請時決定的

 

傳聞,以英文同普通話面試有著數

我唔知呀,我哋用廣東話嘅

 

有一個小朋友,面試到最後一關,家長面談

小朋友係用英文面試的

 

面試前,個家長好擔心

問。我同老公係咪都要講英文?我哋英文唔掂嫁

ಥ_ಥ 咁點算呀?

 

不如問下校長,可唔可以叫工人姐姐代你啦

或者你地當日扮喉嚨痛失聲囉

 

。。。

 

送上妹妹的公園相
IMG_9402

。。。

 

知識唔一定從書本上學

這一天,又上了一課

 

小朋友要有禮貌,不要隨便笑人啊

IMG_9308

 

哥哥在那裏?

 

正為演藝事業而努力

差不多日日都排練

他好開心嫁,難為接送嗰位囉

 

。。。

 

近排食過乜,2017中秋篇

 

最愛小芋頭

IMG_9444

 

收到好多朋友仔的月餅

IMG_9445

 

謝謝你們

IMG_9446

 

榴蓮冰皮,一試難忘

IMG_9447

 

12黃大月餅

IMG_9448

 

大過塊面呀

IMG_9449

 

當蛋糕切

加個個雪糕,好似cafe甜品

IMG_9450

 

感恩有豐盛的一餐

IMG_9452

 

天使家四寶

祝人人身體健康,開心快樂

IMG_9451

謝謝觀賞

。。。

 

天使媽媽Facebook 

大家like 咗未呀?

作者:天使媽媽

 

近排食過咩玩過咩?睇呢度啦!