×

Home

爸媽Junior文章打印

來自網址: http://www.ohpama.com/?p=230609

湊仔經 November 13, 2017

【葉偉麟】害怕失敗,逃避性格

六歲女童,就讀本地名牌小學,成績優異,但由於未太適應比較嚴厲的校園文化,遇到輕微挫折,都會承受不了別人指責,加上本身有點憂慮的性格傾向,結果出現曠課現象。

家長:「佢好怕輸,好驚成績考得差,上兩個月考試90分,老師話佢退步咗,搞到連小息都唔敢去玩,揸住本書係咁讀,好似一玩就係錯咁。最近佢仲驚到唔敢返學,又勸又氹都無效,點算好?」

我:「點樣氹佢?」

家長:「我話如果佢肯返學,就會送佢最鍾意嘅禮物,又會帶佢去迪士尼。但係無效。」

我:「呢個唔係治本嘅方法。佢唔返學,唔係因為冇得去迪士尼,而係因為面對唔到自己嘅失敗。」

家長:「我有成日教佢點樣面對失敗,例如叫佢: 唔使唔開心,只要努力,下次就成功啦。」

我:「其實,真係小朋友自己想下次成功?定係老師同家長想佢下次成功多D?」

家長沉默不語。