【葉偉麟】 家長想要 = 孩子需要 ?
2017-10-12
一名六歲男童個案,名列前茅屬高智商,但在社交上遇到困難,被人排擠,感到孤獨,情緒及行為亦見衝動,與家長經常有對抗性行為。
家長:「有時真係嫌佢叻得滯!叫佢做親啲嘢簡單到好似沖涼食飯之嘛,都要同你辯論,我真係好攰,唔想再咁!」
我:「小朋友有主見未必係壞事,視乎我哋點樣擺位。」
家長:「俾佢話事咪即係縱容佢?佢肯定可以不停咁玩,唔使瞓覺都似!」
我:「如果佢真係「需要」不停咁玩,背後一定隱藏着某啲原因及動機。只係我哋暫時唔知道係咩。譬如一個人「需要」每個月去一次歐洲旅行先覺得心情愉快,咁似乎已經出咗問題。」
家長:「我唔係唔俾佢玩,只係希望佢早睡早起,作息定時啫。」
我:「其實時間表,大部分純粹由家長角度考慮。即係着重家長嘅WANTS ,而忽略咗孩子嘅 NEEDS。個時間表係咪大家一齊有共識架?」
家長:「…….咁佢又唔係能力上做唔到,只係唔肯跟住做之嘛!」
我:「能力上應付到,亦唔一定好。起碼,而家小朋友嘅情緒及行為,有必要正視。」
在治療室內,孩子處處表現出很Needy 的性格。例如他繪畫的時候,每選擇一種顏色,都會把一整支顏料完全擠壓出來,然後棄掉,但只塗上一點點,又再繼續擠壓其他顏料。短短幾十秒,他便消耗了一整盒顔料。
孩子:「已經用晒啦,仲有冇新架?」
我:「你似乎需要有好多顏色先可以表達到,但今日唔好意思,暫時無晒,要令你失望。可以下次為你準備定。你覺得兩盒夠唔夠?」
孩子:「好啊。」
之後我每節都為他準備兩盒全新的顏料,他除了像拆開聖誕禮物一樣,可以任意在畫紙上自由創作外,讓他感到最暢快的,就是可以肆無忌憚把一整支顏料完全擠壓出來後棄掉的感覺。
經過一段時間之後,他漸漸地改變了行為模式。
從最初必須要消耗兩盒全新的顏料,慢慢變成了只提取自己所需要的顏料份量。而且還變成專家一樣,指導我如何藝術創作。
孩子:「你睇吓我用顏色嘅份量控制得啱啱好!幾環保!」
我:「你真係珍惜資源喎。」
孩子的「需要」是當下的。家長的「需要」很多時候都是對準未來的。這就是矛盾的所在。
只有孩子的當下需要被重視被滿足,偏差行為才自然減少。
家長學會了如何從自己的Wants 及孩子的 Needs 之間取得平衡,互相磨合一個適當的日常時間表後,現在孩子對抗性行為已經再沒有出現了。
作者: 葉偉麟
文章獲 葉偉麟 兒童行為情緒治療師 授權轉載