【湊仔爸與返工媽】媽咪，你忙完未？

週末，就豐富一點點吧。於是阿豬媽就整色整水，整了個扮豐富的三色早餐給阿豬，自己那份則仍在廚房。安頓好阿豬後，我就媽咪上身，希望把握阿豬爸未起身的時間，努力清家務：收衫，洗衫，抹地，執一執個櫃，清一清回收物品……

「媽咪，你過嚟食啦。」原來阿豬一直只看著我在忙，三色早餐原封不動。
「我一陣嚟食，洗落機衫先，你食住先啦。」我說。

過了一會。

「媽咪，你幾時嚟？」阿豬緩慢地吃完粟米片部分（他的最愛），三色早餐變了雙色早餐。
「er……等多陣，我收埋D衫先。」我仍然心繫家務。

又過了一會。

「媽咪，你過嚟陪我啦。」阿豬鍥而不捨，面前的早餐仍是雙色。
「其實我都係喺你隔離收衫啫，都係陪緊你吖。」天呀，我竟然說出這樣冷血的話。
「你過嚟一齊食，我會開心D呀。」他終於說到重點了。

聽完這句，我也不好意思再拖，拿拿林埋位。然後，阿豬就開始用正常速度吃那個已放涼了的雙色早餐。

一句「媽咪，我哋一齊食早餐吖！」我聽到的重點是「早餐」，但阿豬關注的卻是「我哋一齊」。

孩子還會說：

「我哋一齊玩吖！」
「我哋一齊去街吖！」
「我哋一齊食嘢吖！」

對大人來說，重點不難落了在玩具、活動和食物上。但孩子關注的，一直以來，都只是「我哋一齊」。

在職父母，早出晚歸，有時回到家還要忙這忙那，很想用些方式對孩子好一點（也令自己良心好過一點）。可是，這種偷換方法從不見效。孩子想要的，還是你老老實實放下自己的事（和手機），專心坐下陪他。

作者：阿豬媽@湊仔爸與返工媽