【親子DIY】超易整！10個萬聖節簡易小手作

仲有一個星期多就是小朋友至愛的萬聖節，爸媽們有沒有打算為仔女和他們的朋友仔舉辦萬聖節派對？齊齊去敲門攞糖果、玩遊戲，諗起都開心！想開派對時將場地佈置得充滿節日氣氛，與其俾錢買，不如和小朋友一齊自製啦，以下10個勞作所需的材料都非常易買，做法仲好簡單，輕輕鬆鬆就可以營造到節日氣氛了：

1) 棉花小鬼

家長負責剪紙，小朋友負責將棉花球和其他材料黏在紙上即完成，就是如此簡單！

2)嘩鬼腳印

懶得買棉花球？無問題，一樣可以做到可愛小鬼！將孩子的腳印塗上顏色，再請他們在紙上留低足迹就搞掂了。

3) 南瓜蘋果印章

家中有吃不完的蘋果，可以將它切成一半，塗上橙色顏料蓋印仔。之後再加上眼耳口鼻，就能輕鬆畫出南瓜了。

4) 迷你南瓜柑

水果用途多多，除了用蘋果當天然印章，也可以用價錢便宜的蜜柑做擺設。於蜜柑上面畫圖案，話咁易就完成，還能藉機鼓勵小朋友吃水果呢。

5) 環保小蝙蝠

將廁紙筒油滿黑色，然後黏上翅膀和五官，即完成環保又得意的蝙蝠裝飾了。