暑假親子遊 Bob帶3女布吉下水禮

2015-08-25

早前林盛斌（阿Bob）因為工作超忙搞到體力不支要入院檢查，醫生叮囑他要充電減壓，所以趁女兒放暑假就一家人去布吉豪歎世界，他有感而發說：「過去十年都未試過一家人去旅行，今次一家五口同埋外父、外母、大姨丈夫婦、工人等一行十幾人齊齊出動，每日喪食喪玩，豪使六位數字。最神奇係旅行前皮膚敏感，玩完返港竟然不藥而瘉，所以布吉之旅帶出啟示，提醒我要Work Hard Play Hard！加上早前泰國大爆炸，更加要珍惜身邊人！我希望將來年年都同家人去一次旅行，就算近至台灣，遠到英國，都要爭取快樂時光。」

教二女游水大家姐霏霏上過游泳班，反而二女熹兒唔識泳術，今次我同外父喺酒店泳池教佢游水，着住浮水袖嘅熹兒一啲都唔怕水，玩得好開心，亦好珍惜同老婆、大女霏兒、二女熹兒、細女機兒影到一家五口水着相。

豪住6,000呎別墅 ■家庭別墅有兩層四間房，設獨立花園、廚房同泳池，有成6千呎，約$5千港幣一晚。樂古浪悅椿度假村Angsana Laguna Phuket 地址：390/1 Moo 1, Srisoonthorn Road, Cherntalay, Thalang, Thalang District, Phuket 83110, Thailand

龍蝦BBQ ■我仲請埋司機車出車入，有日去附近超市買龍蝦海鮮返去BBQ！

Splash Jungle ■面積不算大，設施亦唔多，但都幾好玩，除左最刺激嘅Boomerango滑水梯外，都有照顧「低級組」同埋小朋友嘅小型滑梯、大水桶、射水設施等，成個樂園入面，我淨係敢玩呢個小學生玩意，幾渣！開放時間：每日上午10時至下午6時網址：http︰//splashjunglephuket.com/ Bangtao Beach ■布吉最美麗海灘之一，水清沙幼，囡囡被大浪沖擊仲笑晒口，玩得好盡情。地址：22 Moo 2, Cheung Thalay 二人世界 ■第一次同老婆玩水上電單車，睇我地兩公婆幾有情趣。男人的浪漫 ■有晚趁屋企啲女人同孩子瞓晒，兩個女婿陪外父去蒲芭東Patong夜市，我地去飲啤酒、睇拳賽同埋做按摩。地址：200 Th Pee, Hat Patong 交通：可從芭東海灘步行過父女玩飛狐 ■玩完激流，我同霏兒再下一城戴上頭盔和繫上安全帶玩飛狐，兩父女沿住長200米、穿越綠林索道滑下，過程看似好輕鬆，不過我年紀大啦，都有啲怯，反而女兒好勇敢，唔使我保護。 10/11激流旅程 ■在攀牙北部有野外體驗站，為遊客提供多項野外探索活動，如騎大象、激流、飛狐及瀑布暢泳等，當中最受歡迎的是激流旅程，因為攀牙激流出名勁！所以落水前大家都要簽生死狀！7歲大家姐霏霏啱啱夠年齡玩，愈玩愈興奮。網址：sealandcamp.com 珍貴水着 ■兩公婆好少影合照，今次破天荒影水着相，老婆身材大獲好評。