昨日公眾期假，我一早拉走正在看電視的仔:「去銅鑼灣囉…(我想睇電視喎…)，有好嘢玩呀！跳彈床，同成楝牆任你畫喎！！」 
皇室堡3樓似乎有個特別地方，去年我們在此學過褶紙，今年又有新玩意。今日一走上3樓，仔即大叫:「咦！上次嗰度？又話跳彈床？」(佢又會記得嚟過嘅？！)
(係呀！呢家變咗做神秘地方畀你玩吖麻)，阿仔一發現有充氣彈床，即時兩眼發光…我怕這位小朋友會跳至一發不可收拾，所以提議他先試吓熱爆全球嘅玩意，填顏色…
阿仔:「我真係可以畫？ 咁咪畫花幅牆囉… (唔會，姐姐設計好晒，你鍾意填咩顏色都得㗎啦)」不過，這個Secret Play Garden，對於心中只有跳彈床的小朋友…
可能他沒有壓力需要減，更大原因肯定是他沒有耐性… 他花了約10秒，把半片葉上了色，便大叫:「我唔想油喇！我想跳彈床！」(其實我一早估到，不過諗唔到油得半塊葉啫…)
扭蛋波波池，這位小朋友其實跳過無數次…不明他為何仍然跳得異常興奮！快樂，真是很簡單！
不過跳了數分鐘後，眼利的阿仔就發現新大陸一樣，突然走出波波池大叫:「隔離個咩嚟㗎？ 打捧球？ 我想玩喎！」
這個捧球機，就連大人一樣覺得正… 中央吹起波波，每人可以打20球，目標是要將波打入指定位置！
我:「用網球拍打易D喎！！」阿仔試完後:「爸爸你用啦，我覺得都係用黃色捧易打好多…」 
原來小朋友都想發洩… 我就更加不例外，大家有任何冤屈，打完真的鬆一口氣… (當每個波都係你老闆，嘩！真係愈打愈過癮！)
每一個Facebook，或Instagram戶口就可以於門口換取遊戲咭一張，每張咭就可以玩四款遊戲各一次。
十二時開門時人流不太多，不過之後 「油」樂場就變得人山人海，最受歡迎當然是發洩打捧球啦…
雖然，我兩公婆有四個accounts，不過因為人太多，遊戲太受歡迎，小朋友只玩了3次，最後在極不情願的情況下，被我勸喻離開。 (其實60球都算好好發洩㗎啦！)
最後臨走，我畫了兩個Minions在大畫板，阿仔:「Minions係黃色，唔係橙色喎… (加啲想像力啦！仔！)，你可以用紫色㗎，佢哋變過紫色嘅！」
(咁你畫咩？) 阿仔:「Minions發嬲，用捧球棍打死咗隻獅子囉！」(你真係打捧球打到上晒癮…)
神秘油樂場開放時間
日期: 9月5–6日(星期六及日)、12-13日(星期六及日)、19-20日(星期六及日)、26-28日(星期六至一)
時間: 12:00–6:00pm
地點: 銅鑼灣皇室堡3樓316號鋪 免費入場
(只需於入場前Like皇室堡Facebook, 或皇室堡Instagram, 或出示Windsor Card)
作者：大仁生活