×

Home

本地升學文章打印

來自網址: http://www.ohpama.com/?p=235254

升幼攻略 October 26, 2017

【田媽玩樂誌】慢熱BB去面試

又到K1同PN面試的日子,如果你有個唔怕生保、見人say hi的BB,恭喜您!

但是這個世界有外向型的人、同時亦有內向型的小朋友。如果你的BB比較慢熱、見到陌生人唔講嘢(甚至會喊)、上playgroup時當所有小朋友都樂在其中參與活動,佢選擇坐埋一邊觀察,咁你的BB可能係內向型。當你帶佢去參加面試時(尤其PN班)就要做多一點準備。

首先,家長要了解內向型和外向型小朋友的思考模式打從根底就不同,他們的腦神經傳送就是不一樣,所以內向或外向性格是天生的。與其去改變佢,家長要做的是接納佢同俾信心佢。

好似田媽呢類外向型的家長,一開始係好迷惘。點解我個BB總係同其他BB唔一樣?點解Justin永遠俾唔到一般BB的反應呢?但係明明平時佢對住我哋把口係停唔到架?

內向型的小朋友,比較需要多一點時間去熟悉陌生的環境。當他們對陌生環境或人建立了安全感,就會表現自然、活潑好動。可惜一般面試的流程對於這類型的小朋友都較不利。