【荔枝孖媽】孕育生命的奇妙
2017-10-28
時間，時間，真係過得好快。
想起當初生完孖寶之後， 同朋友傾計佢地都會問到生產完之後的感覺，雖然我當時係五花大綁， 神智唔係好清晰， 但一切一切我都係印象好深刻。到2年多後的今日仍然記憶猶新，妨如昨天。 由我自己 1個人入去， 變成3個生命踏出醫院， 絕對係一件又感動又不可思議嘅事。
縱然一直都有很多磨練，懷孕過程亦出現好多令我們一家都擔心的事，又或者2年之後肚上的刀疤仍然沒有減去半分，反而這刀疤更是營養十足地狀大成長了，偶爾這疤痕還是會令我感到痕癢的。 但如果現在有人再問我，這一切值得嗎？我還會說如果有下輩子我還是要當女生， 還是會希望再經歷這一切。
