【功課奴隸】阿女，我不是想逼你做功課……
2017-11-02
我知道，阿女你真的很辛苦，我真係知道的。
每朝 6:30，你就算賴牀，也不可以遲過 6:45，每日 7:15一定要出門口，否則，你一定遲到……近日天氣涼，你想瞓多陣，而明明前一晚，你10:30才可以上牀，遲了一小時，因為，學校就快考試，你 9:30才做完功課，需要多溫習一小時。
我知道，你只係二年級，根本唔應該4:00返到屋企，夜晚 7:00再去補習社，9:00先返屋企，仲要計住你只可以睇一陣卡通，15分鐘再幫你溫默書……
前晚，你寫寫吓字，我去個洗手間唔夠五分鐘，出來居然見到你爬喺張枱度瞓着咗……
見到你咁，真係崩潰。個心揪一揪，好痛，忍唔住喊咗出來！
「阿女，算啦，唔好溫，去瞓，你盡咗力，唔合格都無問題！」
你攞紙巾俾我，又不斷捽眼，我知道你好眼瞓，不過，你好乖，同我講：「媽咪，我溫多陣先瞓……我成日得六十幾分，老師話好低分……」然後，你繼續溫。