【荔枝媽媽】在家自教系列 之 雞蛋都可以訓練!?
2017-11-03
最近喺Facebook 專頁收到好多pm,都問到有關訂我哋做感覺統合Training的一些事情。不過孖媽覺得呢d比較專業的訓練,如果搵番自己的體適能教練/trainer會更有針對性,同來得更有功效。但我又想大家喺屋企都可以同BBs玩到一d簡單的訓練, 所以想到同大家分享一下簡單d的小活動。
首先問下大家, 你哋會點俾小朋友食雞蛋?
剝好晒永遠只係俾佢見到 「白色」的蛋肉, 定係好似我哋咁全隻上?
其實我哋一開始都是由成人幫忙剝好雞蛋殼先俾孖寶食,不過早幾個月開始,我哋就放手俾孖寶自己自己嘗試剝雞蛋殼。
我無諗過第一次,幫小小就已經可以順利自己剝到雞蛋殼了,而且佢哋亦都好喜歡呢個活動,仲會幫我剝埋我個隻。
其實呢個小活動係對小朋友的小肌肉發展有幫助的, 憑良心講我作為一個孖寶御用的體適能教練係好注重呢一點。 呢個係屋企人人都可以做到的小活動,係可以訓練到小朋友嘅小手肌靈活度,大約18個月左右可以慢慢開始試下, 當然過程中亦要教導同提醒小朋友雞蛋殼係要剝而唔可以食的,要細心觀察小朋友,最好可以在不介入太多的情況下幫助他們呀!