「統一派位」填表策略 - 明星易讀版
2017-09-23
九月，又是時候溫故知新一下，好好笑的小一「統一派位」比喻又要出動喇！簡單又易明，一定幫到各位家長！
舉個例：如你甲一填劉德華，甲二填余文樂，甲三填蕭正楠；乙部一、二、三也一樣。程序會先抽甲一，若唔中劉德華，就會抽甲二，若你抽中余文樂，恭喜你，甲三、乙一、乙二、乙三都不會再抽了，你會得到余文樂。因此，如你很喜歡劉德華，你應在甲一填劉德華，甲二和甲三留空，乙一再填劉德華，乙二填余文樂，乙三填蕭正楠，咁你就可以maximize抽中劉德華的機會了。或者我再舉一例。全球任何明星都有粉絲會，而我們只可加入其中一個粉絲會做會員，我們要先知道幾個遊戲規則：
- 第一，每個會有50%可供統一派位；
- 第二，當中5%是甲部(全世界可跨區抽)，和45%是乙部(只供同區抽)，所以乙部名額是甲部的9倍；
- 第三，抽獎順序是甲1>甲2>甲3>乙1>乙2>乙3>乙4……>乙30；
- 第四，抽獎跟以上順序，一抽中就停，假如你甲2抽中，甲3至乙30都唔會再抽
- 第五，甲部雖可填任何區，但如別區冇明星你鍾意，也可填本區。
而家解釋範例： 我鍾意Tom Cruise>劉德華>福山雅治>松本潤>梁朝偉>余文樂>蕭正楠，我會填：
- 甲1(Tom Cruise) 甲2(劉德華) 甲3(留空)
- 乙1(劉德華) 乙2(余文樂) 乙3(蕭正楠)﹒﹒﹒﹒ 乙29(麥長青) 乙30(艾威)
問題1：我點解甲3留空？做乜唔填福山雅治？ 答：因我愛劉德華>福山雅治，如我在甲3抽中福山雅治，咁我咪等於放棄乙1抽劉德華個45%Quota? 所以我情願甲3留空，都要抽劉華。 問題2：點解乙2唔填梁朝偉？而填余文樂？ 答：因為梁朝偉與劉華是同level大熱，乙一必然45%全被抽光，乙二仲抽是呃自己，只會浪費機會，所以我填次一皮的余文樂 問題3：做乜要填滿乙部三十個？冇心水可否留空？ 答：唔應該，因甲部留空，電腦會Skip，但乙部留空，電腦會亂抽，所要乙部要盡填，起碼填d唔討厭的，否則，可能會派阮兆祥俾你。
文: Lau Wing Tai
網上圖片