| 日期 | 全年適用 |
全無煮食天份的一家，竟然去學人整Pizza！阿囝:「好呀！好呀！我最鍾意食菠蘿！好甜架！」(正宗Pizza可能無菠蘿比架喎！)
今日約了豬豬齊齊整Pizza，之前我們先在店內吃午餐，豬豬好攪笑:「又話做Pizza，仲食晏晝？我食咗架喇，宜家可以做架！」看來他好心急！(唔好意思，叔叔未食晏！)
終於食飽飽啦！小朋友們穿上圍裙、廚師帽準備去整Pizza。這邊廂大人興奮過小朋友，廚房中的大廚輕輕鬆一樣在準備。(點解佢咁忙呢？奇怪…)
左右手交替搓麵糰，如同表演雜技的Yani，已經整左Pizza十一年。我問:「舊麵粉抛來抛去，唔怕跌？」Yani答:「剛剛做就會，之後從來都無失過手。」(我都好想試喎！)
原來店內有一個Dummy，可以借給大家玩。阿囝好開心:「你睇… 篤唔爛嘅呢個！(假架…你可以學廚師表演)豬仔一齊玩啦！」豬仔不情願走過來合照。 (我諗人哋醒目，係拋都拋個真架啦！)
之後大廚Yani就走過來，Pizza工作坊由著圍裙開始！
教各位小廚師如果將麵粉溝入麵糰中，可能小朋友的手仔不夠力，多數也由旁邊的家長出馬… (不過，即使點搓，都無人可以搓到似Yani咁均勻。咁…仲食唔食得架？)
之後我終於明白，為何Yani剛才如此繁忙在搓麵粉… 原來他一早知道小朋友的力度不足，而工作坊的真正餅底… 哈哈！全部出自Yani預先準備的靚靚麵餅！
做薄餅要先塗茄汁，其實我怕酸，不過小廚師先生:「我鍾意搽多啲，紅色好靚！」
放芝士的同時，我問店長:「可唔可以比多一個餅底我，其實我鍾意食唔正宗嘅厚批。」店長:「因為我哋只係做薄批，唔同厚度發酵唔同…」(一聽到唔得，已經有啲氣餒，所以都無聽落去。)
材料方便也有不少煙肉、腸仔粒、蘑菇、吞拿魚、青椒、蕃茄仔、菠蘿、菠菜、芝士粒…
可能這位小廚師太「慳家」，好清淡的Pizza喎！煙肉都只是得一片！(你又話鍾意食菠蘿？點解落咁少？囝:「你都鍾意菠蘿呀？」(結果我沒有理他，自己落了半碗菠蘿。)
之後我們的步驟完成，焗Pizza的簡單工作當然就交給Yani，而我們有更重要任務… 當然就是與自己Pizza的合照啦！
原來做Pizza真的很簡單，比煮公仔麵更容易… 難怪可以讓小朋友自己話事，自己Pizza自己整啦！(老老實實，又的確從來無聽過有鍋貼工作坊、魚生工作坊喎！)
原來唔止整Pizza輕鬆簡單，就連焗Pizza都只是10-12分鐘… 但就見Yani在兩個焗爐外，不停翻，不停剷，忙過不停… (其實我想幫手，不過廚房重地，唔比我入！)
小朋友好心急，好想快快與自己Pizza相認… 哈哈！薄餅出爐啦… (不過點解我哋個邊咁燶嘅？好彩我臨尾放多咗菠蘿，雖然囝放得很少肉，但自家手工Pizza係好食D喎！)
不過，無論如何，非常感謝Yani及店長的教授及協助。如果大家都有興趣，都想親子整Pizza，可以隨時報名參加！
親子Pizza工作坊 :
(需要最少6位小朋友參與)
小朋友x1及 家長x2 = $189 (加一服務費)
時間: 每日11am-4pm, 過程為1.5小時
地點: 中環九如坊12號地舖
作者：大仁生活