×

Home

廿四孝熱話文章打印

來自網址: http://www.ohpama.com/?p=238185

閱讀學習 November 6, 2017

【我家有位吳千金 】 親子閲讀:心態與方法

兒時睡前於牀上聽父母講故事,係千金媽最美好嘅童年回憶之一,爸爸媽媽當年都係在職父母,相見相處嘅時間確實不夠,但父母日間工作再忙再累都好,回到家中仍然用心陪伴自己,做孩子嘅又怎能不感受到那份愛呢?

 

父母是不可取替的

雖然現時iPad、電視、YouTube 當道,父母希望子女接收資訊可以通過不同渠道,但千金媽覺得就算科技再進步,講故事App內容再豐富,也取代唔到父母親自為孩子閲讀那份溫暖。呢個本來就係一個增進親子關係嘅過程,若孩子能從中感受到更多愛和關懷,做父母嘅怎能假手於人?

read

讓習慣變成興趣

做咗媽媽兩個月後,我就開始每晚為千金閲讀,希望寶寶能從這日常習慣中培養出閲讀嘅興趣。孩子喜歡規律,若他能夠預知下一步該做甚麼,就會俾到佢哋一份安全感同自信感,藉着良好嘅感覺慢慢培養成興趣。興趣本身就係推動一個人學習最好嘅老師,孩子若喜歡閲讀,就會自覺性找書本看。