| 日期 | 全年適用 |
柏架山簡直就係陪住我長大嘅一座山，讀緊小學嘅時侯，差唔多日日放學都會同同學仔行上去，然後傾心事，講吓大家鍾意嘅女仔，依家諗番真係好小學雞。轉眼廿幾年，今日帶住兩兄妹同埋嫲嫲，一齊來個親子行山樂。
柏架山最適合一家大細及街方街里嘆個早茶之後去行，因為山腳就已經係鰂魚涌與太古交界，搭港鐵一出閘5分鐘都已經可以行到山腳！上網碌過話柏架山有海拔532米 (用「海拔」呢個Term好似通常形容超高嘅山先會見到 ^.^)
我哋同嫲嫲喺茶記食過早餐，跟住過對面馬路就可以開始行啦！超方便 (「柏架山道自然徑」個名咁好聽，我記得細個都未有呢個牌棟喺度)
明明係考試周，但係我都要帶埋哥哥嚟呼吸下新鮮空氣，下晝溫習就會醒神D (定係會攰到瞓着呢?)
