【傑。斯與晴】C。J の 爸媽手記。睡姿大解放
2017-11-14
上次同大家分享咗小JM嘅「睡眠習慣」及「睡前儀式」，
今次就要為大家解說一下「睡姿」！
（所以媽媽又可以出賣一下小JM嘅趣怪睡姿囉！ v(^^)v ）
小B的「睡眠模式」與「睡前儀式」：
其實一講起「睡姿」，
可能大多數媽媽都會諗起同小B頭型問題比較相關，
但其實睡姿除咗同頭型有關係之外，
仲同睡眠安全好有關連架，
所以都算係一門「小學問」。
睡姿大解放
普遍而言睡姿有三大類，分別為仰睡、側睡及趴睡
仰睡
意思指身體平躺，面向天而睡嘅睡姿
仰睡可以有效地令到全身嘅肌肉得以放鬆，
對身體各個器官造成嘅壓迫亦相對較低添架！
仰睡嘅好處：
－ 安全，及易於察覺，能降低小B們被被或外物遮蓋口鼻
－ 造成嘅壓迫亦相對較低
－ 方便觀察小B
仰睡嘅壞處：
－ 若嘔奶嘅話會有機會造成回流，而阻礙呼吸
－ 若長時間仰睡會造成扁平頭型
－ 小B較為難適應呼吸
溫馨小提示：
所以媽媽們喺餵奶後要俾小B唞大概30分鐘或以上先好俾小B仰睡，
有需要嘅可以使用三角枕輔助，令小B頭部及上身抬高少少，
以減低嘔奶回流嘅問題。
另外，如果係小B，可以用包巾包住小B，令小B覺得有安全感。