【傑。斯與晴】環保好物｜尿布褲。清洗方法好Easy！
2017-11-17
隨着小JM日漸長大，慢慢地我哋都打算為小JM預備定學習「戒片」。
我地明白戒片並非一朝一夕嘅事，而係需要耐性及恆心去教導小B。
亦有研究指出小朋友2歲後先戒片會比較恰當，
所以就算用咗環保尿片都唔會強逼小JM要戒片。
我哋都有做好預備工作架，
就係年中嗰陣我哋分別買咗兩條不同款嘅環保尿布褲，
俾小JM係日頭時間用，順便教小JM咩係「VV」同「Bubu」，
等小JM知道同對「VV」同「Bubu」有基礎既概念。
一來可以有助將來學習戒片及適應；
二來亦比較環保及慳錢呀嘛。
就係前幾日，小JM爸就買咗份禮物俾我同小JM，
我就收到虱目魚精，而小JM就收到兩條新嘅環保尿布褲及片芯。
我仲好記得當日爸爸一拎出來嗰陣，小JM就已經知道份禮物係自己嘅，
直頭想飯都唔食就要拎啲新嘅環保尿布褲來一個「愛的抱抱」添。
其實小JM都用咗環保尿布褲有一段時間啦，
嗰陣因為見到有「試用裝」優惠所以就買咗來試，
分別買咗一條淨粉紅色及一個時尚Pattern款。
（明顯地淨粉紅色都係爸爸嘅指定顏色吧！）
今次亦都唔例外，爸爸揀咗一條粉紅Pattern款及牛仔褲款俾小JM，
仲買多咗兩包尿布芯添。
最近都有朋友問起關於環保尿片褲嘅一啲疑問，
原來朋友們都係有心想試，但礙於怕難以清洗而卻步。
所以今次我就決定出Post講解一下有關清洗環保尿布褲嘅方法啦！