【傑。斯與晴】小JM愛玩樂|BabyBus。輕鬆學習YouTube頻道
2017-11-27
最近媽媽們一直在討論有關Peppa Pig對小朋友們帶來的影響,
可謂全城鬧得熱烘烘,令到唔少媽媽都對Peppa Pig叫「停」,
更有部分家長表示唔想俾小朋友睇相關嘅卡通添。
其實為小朋友選擇合適嘅卡通片都好重要,
可以令小朋友從娛樂中學習到新事物,
從而認識更多知識。
雖然選擇合適嘅卡通唔算得上係一門學問,
但選對了就可以成為家長一個教學輔助渠道。
當然,爸媽們亦唔好俾小朋友過分沉迷於電視卡通之中,
閒時多與小朋友一齊互動一下,
有小朋友去郊外、公園等探索一下大自然都係唔錯嘅選擇!
上次推介咗YouTube 嘅LINE兒歌頻道,
今次再介紹另一個YouTube 卡通卡及兒歌頻道 - BabyBus!
LINE兒歌文章 傳送門:https://goo.gl/wPYMbE
小JM媽媽都係偶然嘅機緣下喺YouTube無意間search到BabyBus,
一睇之下就連小JM媽我都愛上咗,
兩位主角Kiki 同Miumiu真係好乖,好有禮貌,仲好熱愛助人。
當有村內嘅小動物遇到問題,Kiki 同Miumiu仲會幫助一齊解決問題添。
正因為被BabyBus吸引,所以小JM媽我都做咗小小資訊搜集,
希望從而了解多一啲關於BabyBus,繼而就梗係俾小JM睇,再從中學習啦。
BabyBus小檔案:
* BabyBus 係一個提供幼兒教育及學習內容嘅頻道。
* 以「快樂學習」為出發點,希望小朋可以快樂又開心咁去學習。
* BabyBus除咗有卡通片段,仲有兒歌及小遊戲Apps添架!
內容多元化之餘,亦同小朋友嘅日常生活息息相關,
小朋友睇完仲可以「學以致用」喎!
* 以蒙特梭利教育理論來開發相關嘅片段、遊戲、兒歌等。
(以上BabyBus小檔案係小JM媽粗略作個小簡介,如有錯誤請指出喔。)