×

Home

廿四孝熱話文章打印

來自網址: http://www.ohpama.com/?p=245456

有品生活 December 1, 2017

生B後的至愛品牌

女人愛買嘢,心情好買,心情壞都買,有時買了擱在一旁跟着也就忘了,直至執拾時無意翻出才知道自己又買了唔等使的東西。這個購物模式就算做了媽媽後也不會變,不過買的物件類別及品牌則有雲泥之別。

做媽媽前,焦點永遠放在自己身上,買的產品及品牌一定要夠時尚,質料未必是最關心的,反正夠潮夠型夠靚就得,塑膠毛毛窩釘高跟Platform乜都敢試。留意品牌一定是Celine、On Pedder、Zara……等。

做媽媽後,仍然愛買嘢,不過只着眼任何BB產品,Siver Cross、Nicolas & Bears、Bonpoint變成search list的item。

質料永遠行第一,凡是粗嚡易甩色甩毛會拮質BB的物品莫講話唔會畀BB着,自己也不能用,統統打入冷宮。孩子的食具、玩具、繪本、遊樂班……等統統要優質。

以前見到喜歡就買,買了就用;現在買每樣嘢做足research,分分鐘勤力過幫老闆做proposal,用前更刨晒成本說明書,以防害了BB。

做了媽媽的,也許賀爾蒙影響,其愛心也會突然比生B前加倍,很愛分享自己的經驗心得,希望其他媽媽也受惠,走少啲寃枉路。  如果你也有不少心得或至愛品牌,想分享給同路人,不妨參加Oh!爸媽至愛品牌大獎 https://vote.ohpama.com 投至愛品牌一票,讓更多人媽媽之餘,還有機會贏大獎。

Oh!爸媽@頭條日報

逢周五刊登