×

Home

廿四孝熱話文章打印

來自網址: http://www.ohpama.com/?p=247068

有心食譜 December 7, 2017

【傑。斯與晴】滋潤養生清甜糖水|雪耳杞子紅棗圓肉

天氣開始轉涼,

係時候要將啲寒衣慢慢拎番出來啦!

天氣凍,小JM媽嘅為食基因又再蠢蠢欲動,

趁住假期又整咗個簡單易整嘅滋潤養生糖水,

啱晒大人、小朋友都一樣啱飲之餘,

預產前嘅孕媽媽又可以多一款糖水做選擇!

 

滋潤養生清甜糖水 – 雪耳杞子紅棗圓肉

 

聽就聽得多,但你有對呢幾款材料有幾認識?

不如整之前我哋一齊了解下~^^~

 

雪耳:

中醫角度認為雪耳性味甘淡平,對肺、胃、腎均有裨益,有滋陰潤肺功效,

適合肺陰虛、肺氣腫及虛勞咳嗽,咳中帶血,經常感到口渴、胸悶氣短人士食用。

雪耳含植物性化學成分,而當中嘅蛋白質就含有17種氨基酸,

其中7種仲係人體必須嘅氨基酸,有助促進新陳代謝添架!

 

小提示: 

雪耳有滑腸嘅功效,所以孕媽媽初期都係唔好食啦。

乖乖地等到預產期前先食啦。

 

紅棗:

紅棗含有豐富維生素、果糖及各種氨基酸。

中醫認為紅棗性暖、養血保血,可改善血液循環外,亦可養顏美容。

 

杞子:

杞子味甘,性平。

有保腎、潤肺、補肝、明目嘅功效。

 

圓肉:

圓肉味甘、性溫,益心脾,補氣血。

對失眠健忘,脾虛腹瀉,產後浮腫,精神不振等病症有效。