【小車迷好去處】TOMICA探知館 x 有得玩 x 款式好齊
我家嘅和牛B雖然係個女仔,但佢同小男孩一樣都好鍾意玩車仔。所以我哋帶咗和牛B去TOMICA探知館度潮聖,以後唔使等商場大型展覽都有得睇TOMICA車仔同路軌啦~
TOMICA探知館位於人流旺區尖沙咀美麗華,店舖雖然唔算好大,入面有一個遊戲區,有工作台可以做工作坊或者睇TOMICA嘅圖書,而且玩具款式仲好齊全。
兒童遊戲區,進入遊戲區之前記得先除鞋呀。
遊戲區旁設有鞋架、幾張矮櫈仔,方便著鞋/ 俾家長坐喺旁邊觀察小朋友。
玩具有車仔、路軌、停車場、動物系列等。