【小周董世界】放棄神校...一個超艱難的決擇
2017-12-12
上年小周董同好多小朋友一樣要INTERVIEW K1，而我同好多家長一樣都為小朋友做足準備(例如：影好面試相、準備好戰衣等。)
報邊間幼稚園大家都有好多不同原因 (例如: 近屋企、傳統名校、一條龍學校等等)，因為小周董本身讀緊屋企附近一間N班，佢讀得好開心，所以我無同佢大包圍報好多間學校INTERVIEW。
我認我都係追名牌心態，幫小周董報左5間出面頭幾位出名幼稚園，博一博運氣心態，得左係一個BONUS，唔得都當見識過，繼續讀返原本N個間幼稚園。
講真K1面試遊戲玩完，我都唔係好識分佢表現好定唔好，5間幼稚園面試中，小周董有做足老師指令，對住老師有問有答，但我眼見其實好多小朋友表現都一樣出色，以咁細個小朋友在無乜時間WARM UP可以答到老師問題，我自己己經覺得佢哋好叻仔/好叻女。
所以其實我覺得有時面試結果，唔多唔少都靠少少運氣、老師眼緣、同埋小朋友嗰刻心情狀態，結果有幾多學校收，唔代表小朋友能力有幾叻，小朋友的能力甚至未來又點可以因為一場面試來定奪呢？有時家長太緊張可能有反效果都唔定，所以每次面試我哋都同小周董講係去同其他小朋友玩，可能咁佢每次都放輕鬆開開心心咁去”玩”。
“玩”咗5次後，上年呢個時候，差不多12月左右，開始陸續收到學校的結果，小周董算好彩，IN 5間幼稚園有3間收咗，但其中一間係我心儀咗好耐的……神校啊!!!!!!!! 當我收到取錄信嗰刻，我真係開心+驚喜到下巴跌咗落地下!!!!