【柯豬媽媽】收藏超過1600款玩具的玩具圖書館
2017-12-15
繼早前同柯豬一齊去錦田鄉村俱樂部參加學校旅行後，昨日又再次坐旅巴出發，參觀香港中央圖書館的玩具圖書館！
原來喺中央圖書館的二樓，有全港首間玩具圖書館，裏面的珍藏住超過1600份不同款式，適合0至8歲小朋友玩耍的玩具，男孩子鍾意的汽車類、工具類、board game、puzzles ; 女孩子愛玩的娃娃、煮飯仔等等，我估講得出嘅都會喺度揾到。
小朋友可以閱覽玩具目錄冊揀選心水玩具，家長幫忙填寫玩具索取表格交俾職員就可以喺所屬時段內任意借玩。柯豬都借咗兩套煮飯仔煮餐豐富的午餐俾我食 😂 時段完結前會有音樂廣播提示，我哋就一齊收拾再交還俾職員哥哥姐姐。
