【放電好去處】鬧市中的空中花園。隱世兒童遊樂場
其實曾經都有介紹過呢個地方俾大家，不過今次我終於有機會帶和牛B去玩。點解我會稱佢為鬧市中的空中花園，係因為佢位於尖沙咀旺區，建於港鐵站上蓋大約2-3層樓咁高，遠離咗地面繁忙嘅道路，空氣都好啲呀。假日嚟玩都唔算好多人，所以都仲可以玩到。
相信大家都好想知係喺尖沙咀邊個位置，佢係位於尖沙咀中間道的「中間道兒童遊樂場」，喺尖東港鐵站K出口旁，K出口出然後往左行約1-2分鐘便會到達遊樂場入口。
如果推住BB車嘅話可以直接從港鐵站搭升降機直上又或者地面都可以搭。
成個公園除咗兒童遊樂設施之外，活動空間都好多，所以絕對係放電之選。
兒童遊樂設施都分成兩部分，一邊係適合5歲以上，一邊適合幼兒玩嘅。
適合5歲以上嘅遊戲區超大，玩樂嘅設施亦相對多，好多都可鍛鍊體力小肌肉嘅。
呢個高度嘅望遠鏡啱晒細細粒嘅和牛B呀~
