【90後P牌媽咪】3樣孕期唔做會後悔嘅事！
2017-12-22
愈來愈接近預產期，就愈來愈期待同緊張。有時回望番呢8個月，同未有BB嘅時候，其實都係照常咁生活，無咩大分別。但懷孕當中嘅變化，真係好特別！當中有啲嘢我覺得一定要趁有咗BB一定要做，唔做真係會好後悔！
1. 一定要照孕照
有咗BB之後，除咗個肚會愈來愈大之外，都係女性第2次發育嘅時候，哈哈！呢個期間，一定要去影孕照！我發現孕媽媽影呢類嘅相，就算性感少少都會好有美感同好有女人味。早前我係29週，仲係比較輕鬆嘅時候去咗影孕照，好好記念一下第一胎懷孕嘅感覺！當睇番啲相，真係會覺得懷孕係好神奇，原來BB同自己真係好Close！
(如果大家對呢間影孕照嘅地方有興趣，可以Facebook Inbox問我啊！因為唔係賣廣告)
2. 要Keep住扮靚，做一個辣媽
好多時有咗BB會因為攰/懶而唔去扮靚靚，但其實係懷孕階段真係好重要，除咗俾身邊嘅朋友羨慕之外，老公都會覺得你好有女人味，好似一個辣媽！出街、穿搭上都不妨花小小時間打扮一下，搽番個粉底，夾一夾睫毛，搽番個有色潤膏！著衫都可以揀啲貼身少少，突顯番個線條！
3. 擁有一張照聲波相
以前未有BB嗰陣，都見過好多媽媽成日都post照聲波嘅相。雖然未必好似醫生咁識睇，但話晒係第一個B，梗係要留念一下啦！第時BB大個咗，可以解釋番俾佢知以前喺媽媽肚入面嘅情況，加深佢同你之間嘅關係！
歡迎媽媽們一齊交流一下，成為我嘅同路人！將會有更多有趣，扮靚、健康、育兒等等嘅心得分享！
Facebook：https://www.facebook.com/90sMummy/
Instagram: https://www.instagram.com/minarainlo/
作者︰90後P牌媽咪