【豐富精采】聖誕全城Hohoho@海洋公園
2017-12-28
又到聖誕!又到聖誕!今年嘅平安夜,我哋去咗海洋公園「聖誕全城Hohoho」感受節日氣氛。去之前都冇特別plan行程,但節目竟然比預期中豐富精采,到處都是驚喜!同大家分享一下先得!
嘩!哈!知道有得去玩,之前一晚好早瞓,所以特別精神奕奕呀!Woo~ho~
帶住悠閒嘅心情入場,第一件事唔係去玩,而係去「水都餅店」坐低嘆下。店內佈置好有聖誕氣氛,蛋糕、甜品種類多籮籮,睇到流晒口水喇!
好多食物都做緊聖誕主題,真係想每款都試下呀!
晴朗一同分享沙律杯,而我就揀咗件聖誕朱古力mousse cake嘆下,點知食食下朗朗又要嚟分一杯羹,胃食樣係收藏唔到㗎!
嘆完甜品出到去就遇上聖誕歌舞表演,好多人圍觀,場面好熱鬧呀!
經過巨型聖誕樹嘅時候,發現正進行聖誕佈佳音,一家人坐低細心欣賞,節日氣氛好濃厚,正正就係我想要嘅嘢嚟喇!
難得來到,一定唔可以錯過去聖誕老人屋探訪聖誕老人啦!
可以同聖誕老人影合照,好開心!影完之後,聖誕老人仲會同小朋友傾偈,英文麻麻哋嘅晴朗唔知聽唔聽得明呢?我就偷聽到一句:「今晚我會到你們家」。哈哈!呢位聖誕老人都好有heart喎!咁識得氹小朋友開心~