【小小豬】竹蔗茅根薏米水
2018-01-15
唔知係唔係小小豬早前食咗成個星期西藥，搞到佢個人燥燥地(我指係身體狀況)，除咗多咗眼屎之外，嘴巴入面仲生咗兩粒小痱滋，所以就上網學咗依個清熱健脾祛濕嘅竹蔗茅根薏米水俾小小豬飲，等佢清清個底啦！
其實竹蔗茅根我都成日煲，不過次次都係加馬蹄一齊煲，不過今次就改咗用薏米，唔知個味道會唔會有分別呢？
竹蔗4支、茅根2小札、紅蘿蔔2條、生薏米約30克、冰糖適量(份量就隨自己口味)~
係雜貨店買竹蔗時店員都會幫忙一支破開幾段，回家後洗淨之後可以再破開一半，咁就會出味啲呀(放心…竹蔗唔難再破開的)~
