【傑。斯與晴】小JM料理。滋味下午茶。烤焗蘋果麵包布甸(1yr+)
2018-01-15
做咗全職媽媽之後的確多咗時間可以同小JM撐枱腳同High-Tea！
媽媽亦好樂意得閒嗰陣整下甜品或下午茶同小JM食，
因為爸爸唔好食甜品，所以唯有搵小JM陪下媽媽，
滿足一下媽媽嘅為食慾望！
今日媽媽又來搞搞新意思，
整咗個小小嘅滋味下午茶一齊同小JM嘆！
【烤焗蘋果麵包布甸】
材料：
嘉頓去皮方包 數片
雞蛋 一隻
牛奶 一盒
日本蘋果 半個
紅莓乾 適量
提子乾 適量
糖 可按個人口味調較
*小JM嘅下午茶係無糖版喔!*
做法：
1.) 預熱焗爐至180度
2.) 先將蘋果去皮, 切成小片
再將蘋果磨成蘋果蓉，備用
3.) 將雞蛋打勻， 再加入蘋果蓉，備用
4.) 預備好牛奶
(如需加糖，可以加入牛奶中搞拌)
將牛奶加入蛋液及蘋果蓉內搞拌
5.) 取出數片已去邊方包，
先切成條，再切成小塊並置於碗中
6.) 將已經預先搞拌好嘅牛奶蘋果蓉蛋液加入碗中
7.) 最後在面頭加上紅莓乾或提子乾
8.) 完成後即可放入焗爐烤約30分鐘左右，即成
如果想面層脆口一啲， 蛋液可以唔使加太滿。
而且加咗蛋液後亦唔需要按壓麵包。
對於呢個咁香甜味美嘅下午茶，小JM亦表示好喜歡，
梗係啦，表層有小JM最鍾意嘅紅莓乾同提子乾呀嘛。
媽咪嘅Email係： sleepyceci＠hotmail.com
小JM嘅Facebook Page： 傑。斯與晴（Jolie Babe。小JM の 成長印記）
作者：傑。斯與晴