【湊仔爸與返工媽】天氣不似預期 但要玩 總要...
2018-01-15
跟阿豬路經某商場,發現室外兒童遊樂場有吹氣彈牀玩。阿豬要求玩,我查詢之下發現要出示商場內消費單據才可換遊戲券,於是我們決定買麵包然後玩彈牀。
阿豬拿著麵包單據興奮地重回兒童遊樂場,但看到的竟是漏氣的吹氣彈牀,而剛才派遊戲券的攤檔也正在收工,我和阿豬一臉茫然(我心想:大鑊了)。原來因為忽然下雨,遊樂場要關閉,工作人員也趕人離場。
「吓?點解落雨冇得玩呀?」阿豬站在雨中眼濕濕扁扁嘴地問。
對阿豬來說,下雨並不是取消室外活動的原因,因為阿豬爸常常跟他人在野,只要裝備充足,下雨也可以玩。但遊樂場始終有安全考慮,人家要關閉都沒辦法。我跟阿豬先避雨,然後將此道理用幼兒版簡單地解釋。阿豬繼續眼濕濕扁嘴,表示好想玩。
這個時候,最簡單就是轉移視線,例如請食雪糕、買玩具、去第二度玩。只要出這些招,問題就會光速解決。可是,我選擇了繼續鑽入這個死胡同。
「嗯,不如你講下點解咁鍾意玩彈牀?」
「因為彈下彈下咁,好好玩架!」
「係呀?玩彈牀會覺得點架?」
「彈得好高,好開心架!」
「我都覺得好好玩呀,咁你而家冇得玩,覺得點呀?」
「唔開心……」
「係呀,我都覺得好失望呀,不過而家佢係收咗,咁你覺得我哋可以點呀?」