【親子好去處】BALL ROOM

邊個話小朋友唔玩得大人場！今次就同兩個細路去咗開業有一年多的BALL ROOM，除咗荔枝角分店，喺觀塘仲有兩間店設不同主題，裡面有各樣得意好玩的遊戲，其中一樣仲有今屆冬季奧運會新增的冰壺遊戲，大家不如今個新年考慮下一家大細嚟呢度玩番日啦！

我哋先到永興工業大廈的BALL ROOM玩玩，其實每個BALL ROOM都有一個Signature的遊玩設施，這個桌上足球POOLSOCCER®就係觀塘1店的生招牌

玩法就同美式桌球一模一樣，只係唯一唔同嘅地方係用腳踢取代用Q棍。

遠睇又真係幾似一粒粒桌球

開局啦! 呀芊一腳踢散前面堆波

但係呢個呀芊唔跟規矩，踢踢下變咗帶波去到洞前先踢…很正常吧! 哈哈~

喂…做咩事，呢位大媽當這個洞是上厠所嗎?

跟住到哥哥施展一下球技 (佢唔大腳踢咗上天花板已經算係咁)

玩玩吓就變咗亂踢一通，這是常識吧!

估唔到最後留低喺度玩的係呀芊，佢真係好鍾意踢波，係時侯要培訓佢對甲組腳

正所謂「出得嚟玩，預咗要執」我呢個嚴父當然教小朋友要玩完執嘢，有錢大晒咩。

第一次玩這個POOLSOCCER®真係覺得好好玩。

哥哥之所以踢踢下走咗去，原來佢特別鍾情於篤波，真係估佢唔到。