【荔枝孖媽】只有在當上了爸媽後才知道嘅事

從沒想過，生BB前跟當媽媽後的人生真的變得完全不一樣，人生一點一滴都在無形中改變，整個世界都改變了。

生BB之前，可能留意住的都係化妝品、護膚品、美食、旅遊的資訊！

依家…..

當上孖媽後之後我最常比價的就係嬰兒用品、BB產品的資訊，奶粉、尿片、濕紙巾、奶樽奶嘴邊度有做大特價、邊度有平？一X、AXXN幾時減價呢？邊個牌子最好用？戰場亦正式由百貨公司變成超市了！

生BB前，飯局出街，整下個頭、化小小妝、著小小heels嘅高跟鞋、拎個ok唔錯嘅手袋係常識吧！

依家……

孖寶出門口都比我仲要著得整齊同靚，以家行街買衫總係會錯過女裝部，直接走向童裝部，毫不猶豫埋首童裝區裏三挑四選！

上網買衫亦如是，點都係睇咗、買咗佢哋嘅嘢先，自己同埋孖爸所需要買的好像排到最尾！

以家嘅我通常都係著闊身衫褲，頭髮蓬鬆，M碼變L碼，heels、purses都已經再會無期。所有飾物都已經收番入櫃，因為怕飾物會整傷BBs. 

出門口永遠都只係揹住個backpack，亦唔會再好似以前咁，每個星期都換唔同手袋！

「當媽媽之後最怕孩子凍親，好似完全忘記咗自己都會怕凍」

生BB前，一直力勸女人一定要懂得愛自己，對自己好一點！

依家….

想上髮形屋的時間都好似擠唔出咁，Facial更加唔使點做，按摩放鬆下，整指甲更加係諗都唔使諗。這一切都似乎變了係孖媽最奢求嘅事了！即使當媽的偶爾想對自己好一點，卻已不是那個能說走就走的人！自己彷彿變成了大媽。

生BB前，最鍾意四出覓食，天氣一凍，梗係即刻去食火鍋，燒肉啦！

但係依家….

帶BB唔適合去食火鍋，無得去過下癮啊！仲有，食對我來說已經變成只要飽肚就好了, 追求美食的態度亦都再無任何要求了…

反而變咗掌握晒附近有D甚麼好食好玩嘅親子餐廳，咩公園好玩、有咩兒童遊樂設施係正嘅、我諗我以家最清楚嘅應該都係呢D嘢了！

生BB前，沒咩事如果唔係約好去行山， 跑步都唔會點曬太陽，通常都係去D有冷氣嘅地方行，可以賴牀就唔會特登早起身！

但係依家呢…

雨傘、野餐墊成了車箱必備嘅攜帶品，同孩子一齊去戶外地方比留係室內仲自在，即使面上出了很多斑斑亦不太在意，只要孩子可以吸收陽光，健康強壯、增強免疫力、開心快樂，一切都變得值得了！因為這是孩子們最快樂嘅時光。

生BB後，你會發現原來別人嘅眼光已經變得不再那麼重要。孩子快樂就變成你最大嘅快樂。別人眼中嘅image，都已經比孩子嘅需求蓋過了。就算你可以擠出小小時間去扮靚，你都寧願將佢變成親子時光。

生了BB先知道，我們原來可以為咗孩子，統統都令呢D事變得心甘情願且同理所當然，然而…..這一切，都只有在當上了爸媽後才知道嘅事!

可能好多朋友會認為有咗孩子就會失去了自由嘅時間，無錯偶然我還是會心心眼朋友可以話起程就起程去旅行。但有了孩子卻換來滿足無缺嘅心靈生活！當然還是會有力不從心嘅時候，但係佢地嘅笑容總係可以化解無力感～

最後我想要澄清一件事情，孖媽沒我根本沒有為你倆放棄過任何嘢，因為過去曾經嘅青春生活，即使就算無生BB，都係一樣會過去的。

反而應該是我要誠摯的謝謝你倆讓我在人生的新嘅章節依然充實精采。

謝謝你們，You two are the best things that ever happen to us, Thanks God!

我和孖寶的Facebook Page: 荔枝與孖寶